Dinozôre

On dinozôre (çou ki vout dire on foirt oujhea, did la li noûmot foitoujhea), c' esteut ene sôre di biesse ås cronzoxhs ki poneut des oûs, et k' aveut å pus sovint des plomes, des coines, et des houpetes a môde di coines sol dos.

Ces biesses la viként å mezozoyike, et shonnnut awè disparexhou tertotes d 'on plin côp.

On ndè rtrove co les oxheas et les passêyes asteure. Les pus rlomés egzimplaires e l' Walonreye ont stî rtrovés a Biernissåt.

Istwere

Les foitoujheas avént dandjreuzmint skepyî å Mîtrin-Triyassike vocial 235 a 245 miyons d' anêyes avou les crocodiles eyet les pterozåres.

Sorlon l' atuzêye di l' evolucion, les foitoujheas avént vnou des cropantès biesses.

Les oujheas sont del minme troke ki les foitoujheas, i vnént tertos del coxhe des waerapîs.

Rindjmint

Les foitoujheas sont pårteyes e deus ôres :

• les Oujhoskeas (oujhea bassins, Ornithischia)
  • Igwanodon
• les Såriskeas (cwarpece bassins, Saurischia)

Les Oujhoskeas sont dviznut e sacwantès trokes :

• les Scudizôres (Thyreophora) †
• les Deurizôres (Stegosauria) †
• les Roedizôres (Ankylosauria) †
• les Coinipîs (Cerapoda) †
• les Måtchitiesses (Marginocephalia) †
• les Djaivicoirnous (Ceratopsia) †
• les Oujhipîs (Ornithopoda) †
• les Igwanidintîs (Iguanodontia) †

Les Såriskeas sont dviznut e sacwantès trokes :

• les Zåropîs (Sauropoda) †
• les Dobelfas (Diplodocoidea) †
• les Muzeaspès (Macronaria) †
• les Waerapîs (Theropoda) †
• les Cognecreuzes (Coelophysoidea) †
• les Oujheamuzeas (Averostra) †
• les Coinezôres (Ceratosauria) †
• les Roedcawêyes (Tetanurae) †
• les Grandizôres (Megalosauroidea) †
• les Oujheawaerapîs (Avetheropoda) †
• les Otruzôres (Allosauroidea) †
• les Tiranozôres (Tyrannosauroidea) †
• les Mwinhapeusicognes (Maniraptoriforme) †
• les Oujhirixhinådzôres (Ornithomimosauria) †
• les Mwinhapeuses (Maniraptora) †
• les Kernerzôres (Therizinosauria) †
• les Paroujheas (Paraves) †
• les Oujhileas (Avialae) †
• les Oujheas (Aves)

I gn a 65 miyons d' anêyes les foitoujheas sont tos moirts a pårt les oujheas dins l' morance do Crétacé.