Fiesse des mames

Li fiesse des mames, c' est li deujhinme dimegne do moes d' may, la k' on bistoke les mames.

Egzimpe d' arimé pol fiesse des mames

Mi ptite mame si nozêye

Mi ptite mame si nozêye, vos m' avoz dné l' meyeu d' vosse cour.

Mi ptite mame si nozêye, nolu ni vs såreu rinde tant d' amour.

E tote mi vicåreye, dj' årè todi ene pinsêye

Po tot çki vs avoz sofrou, dispoy ki vs m' avoz dné l' djoû.

Vosse clair amour est si tinrûle ki, cwand c' est ki dj' so addlé vos,

Mi ptite mame, dji m' sin bén påjhûle, dji so-st ureus a rinde djalots

Les cis ki nos loukèt passer, a cabasse come des hanteus.

I n' savèt nén, les målureus, tote li djoye k' on-z a do viker

Cwand on-z a ene mame a candôzer.

Mi ptite mame si nozêye, dj' awåde ki vos vicroz lontins.

Mi ptite mame si nozêye, dji vs frè rovyî tos vos tourmints.

Vs m' avoz dné tant del djoye, ki cwand vs seroz-st evoye,

Dj' wådrè-st e parfond di m' cour li rmimbrance di vosse grand amour.

Hårdêye difoûtrinne

• Co des powinmes po les mames (so l' Aberteke)
• On powinme da Marie-France Gilles metou e muzike