Eternåcionåle (tchanson)

L' Eternåcionåle, c' e-st ene tchanson so on rimia scrit pa Eugène Pottier è 1871, å moumint do revintaedje sipoté "Comune di Paris", et ki louwe l' Eternåcionåle des ovrîs. Li muzike a stî scrîte på belje Pierre Degeyter è 1888.

Li tchanson a stî ratournêye dins tot plin des lingaedjes eyet elle est l' essegne des djins ki s' batèt po puss di djustice dins nos sôcietés. Elle est sovint tchantêye påzès djins ki s' volèt comunisses, anårchisses, sôcialisses, revinteus, evnd.

Ratoûrnaedje e walon

Li ratoûrnaedje vaici pa dzo a stî fwait pa  Eugène Petithan eviè 1972 (?).

Levez-v' tos les cis ki so l' tere
Ovrèt po n' nén t-esse el mizere
Tertos eshonne nos alans mostrer
Ki nos n' serans pu dôminés

Nos volans dner a nos efant
Di l' ovraedje, del djoye et do pan.
Nos nos batrans tot come nos peres
Zels ki nos ont scrit noste istwere

C' est l' dierinne bataye
Ki nos fjhans ås canayes
Il åront leu daye
Voleurs et profiteus (x2)

Fini do profiter d' nos foices [fwèces]
Po nos ôtes, c' est nosse seule ritchesse
Nos n' volans pu passer po bribeus
Ca nos avans ossi des droets [dreûts]

Fåt k' les pouris rindexhe des contes
Unis, nos mosterrans å monde
Ki l' pus foirt des pårtis serè
Li grand pårti des cis k' ovrèt

C' est l' dierinne bataye
Ki nos fjhans ås canayes
Il åront leu daye
Voleurs et profiteus (x4)

Hårdêye difoutrinne

L' Eternåcionåle è walon so YouTube.