Drapea del corone d' Aragon
Li drapea del corone d' Aragon (k' a divnou l' drapea catalan) a 9 royes di coûtchî; 5 djaenes et 4 rodjes; totes del minme groxheur.
Li drapea åzès båres rodjes et djaenes est l' transcrijhaedje di l' essegne del Conteye di Bårçulone, poy do Rweyåme d' Aragon.
Bråmint des drapeas ou d' essegnes di payis ou d' veyes k' estént dzo l' mambornance del corone d' Aragon eployèt ci dessén la; insi les drapeas del Catalogne, do Payis Valincyin, des Iyes Baleyåres, del redjon d' Aragon, evnd.
L' oridjene des cwate rodjes båres do drapea catalan est ewalpêye di ledjinde.
S' apinse li ledjinde, si sreu li Conte Godfroed l' Poyou (Guifré el Pelós) (9inme sieke) kels åreut atåvlés.
Godfroed l' Poyou esteut l' valet da Seniofré d'Urgell, i va prinde dizo si moennance les conteyes di Bårçulone, Urgell, Saerdegne, Besalú eyt Girona. Eto, ripeupler tot l' cinte del Catalogne, et rfoirci si dvintrinne unité. C' est lu ki cmince li lignêye del måjhone di Bårçulone, li dinasteye catalane ki va ringnî so 500 ans ezès payis catalans.
Tins d' ene di ses avinteures, il aveut-st aidî les francs a wangnî siconte des normands. Li pris k' i rçujha do rwè Tchåle li Tchenou fourit-st on escu a fond d' ôr.
S' apinse li ledjinde, c' est li mime rwè ki va pond, avou les doets maxhurés do sonk des coixheures do Conte, les cwate rodjès royes.
Des rcweraedjes syincieus ont mostré ki, mågré k' ele soeye bele, cisse ledjinde n' est nén l' veur.
Oficirmint, d' après les dierinnès rcwerances istorikes, li drapea catalan est on drapea ki copeye so on texhou, tot simplumint, li sene des åres des Contes di Bårçulone.
C' est possibe ki l' drapea, ou ene åbarone, des contes fourixhe pus vî k' les åres.
Li drapea n' est nén documinté divant li 13inme sieke, mins c' est onk des pus vîs d' Urope
Å cmince, les royes do drapea si polént mete soeye-t i d' astampé, soeye-t i di coûtchî; mins c' est cisse dierinne manire k' est enute li pus corante po les drapeas.
Difoûtrinne hårdêye
candjî- Istwere do drapea catalan (en inglès et castiyan)