Djeus olimpikes d' esté di 1912

Les djeus olimpikes d' esté di 1912, c' est les cénkinmes djeus olimpikes modienes, ki s' ont passé a Stocom e 1912.

On louke les djeus di Stocom come les prumîs djeus prôpes et foirt bén organijhîs. Les cink continints sont la, avou 28 ekipes, deus 1540 atletes, inte di zels, 57 femes. Claire Gutt fourit l' prumire feme bedje a-z aveur cori ås djeus.

Dins li 5.000 metes, li Francès Bouin et li Finlandès Kolchminen vont moenner on trin d' infier. Les Inglès, les Amerikins et tos les ôtes sont låtchîs. Foirt å foirt, les deus omes ni s' rindèt nén onk po l' onte et après on sprine teribe moenné på Francès, c' est li Finlandès ki wangne d' ene pwetrene. Li rcôrd di 14 munutes 36 sigondes 3/5 ni serè rbatou k' e 1922 pa Nurmi, dijh ans pus tård.

Hårdêyes divintrinnes

• Margayes et frawtinaedjes ås djeus di 1912
• Djeus di dvant
• Djeus d' après (nén djouwés)
• Vraiys djeus d' après