Dinêye

Dinêye (fr: Denée), c' est èn ancyin ptit ban del Walonreye, rebané avou Anhêye.

Limero del posse: 5537 (vî limero 5642)
Limero diyalectolodjike: Na 135

Li scrijhaedje: Dinêye a l' atake u padrî ene cossoune ki s' ôt: Dinêye a wangnî å fotbale / Dnêye padrî ene voyale: Dj' a rpassé pa Dnêye.
L' etimolodjeye: mot walon dinêye (tere dinêye a ene sakî). Did la, li djeu d' mot inte “Dinêye” eyet “dinêye”: èn nén esse di Dnêye: esse pice-crosse, én nén dner voltî ene dringuele.

No di des plaeces di Dnêye

Hamteas: Maredsou.

Istwere

Dinêye esteut tere di Lidje mins les hamteas di Maharene eyet Maredsou estént prôpiesté direke do Conte di Nameur. Les deus teres fourît rmetowes eshonne al Revolucion, po fé l' ancyinne comene di Dnêye.

L' abeye benedictene, avou si scole eyet si ritche bibioteke, a stî amontêye e 1872.