Pol discramiaedje des årtikes avou l' mot « Diccionaire djenerå do walon », loukîz cial.

Li Diccionaire di Tot l' Walon, pol boket R1, c' est ene båze di dnêyes k' a stî amontêye so on tåvleu pa Thierry Dumont avou Lorint Hendschel e 1992-1993. Li boket R2 a stî rashonné pa Thierry Dumont et rmetou so ene pådje HTML.

Håynaedje candjî

Li tåvleu d' adon ni sopoirtéve ki 252 caracteres. Les årtikes pus long estént scrît so on fitchî aspougneu d' tecse foirt simpe, avou ene cawete .MMO. Målureuzmint, les senes faflotés di cisse viye cogne di programe la ni sont pus waire acontés dins les usteyes éndjolikes des anêyes 2020.

Contnou candjî

Li R1 contént les mots des letes A, B, ene pårteye des C et les D ripoujheyes foiravant dins E1, E21, E24, C1, C9, O2, O3 et O4. Avou ene radjoute des Z a stî fwaite pa Lucyin Mahin a pårti des mots di S117.

Li R2, c' est les mots del lete N rashonnés des minmes motîs.

Divnance candjî

Li tåvlea a stî réndjolijhî a môde di pouxhante båze di dnêyes pa Pablo Sarachaga dins les anêyes 2010. Les dnêyes di R2 î ont stî radjoutêye. Adon, l' ovraedje a rçû on novea rahouca dins l' djivêye des motîs do walon (R10).

Les dnêyes des fitchîs dlérece (cogne .MMO) n' ont nén co stî tertotes radjoutêyes al båze di dnêyes.

Hårdêyes difoûtrinnes candjî