Drovi l' mwaisse menu

Li diåle maçon (fåve do vî vî tins)

(Redjiblé di Diåle maçon)

Li diåle maçon c' est ene fåve do vî vî tins la ki l' diåle promete di construre on grand bastimint so waire di tins, conte paymint k' et l' åme do ci ki dmande.

Li pake est siné avou l' sonk do dmandeu.

Sôres di bastimintsCandjî

  • ene eglijhe come li cene d' Aviote
  • on molén (Payis d' Lidje)
  • ene gregne (Basse Årdene, Braibant flamind)

Fén del fåveCandjî

Gn a deus sôres di féns:

Ureuse fénCandjî

Soeye-t i ki l' diåle est djondou: i promete d' aveur fini divant l' aireur do djoû. Mins, al fén del nute, gn a on cok ki tchante, et i dmane on boket nén atchivé.

Oudonbén li diåle a prometou di fé troes travos ki l' ome lyi dmandrè.

Mins après côp, c' est impossibe di fini l' bastimint, ki ça soeye djusse a ene pire près come a Aviote. C' est l' cas des gregnes do Braibant flamind[1], et dins l' Basse Årdene.[2] Mins eto dins des ôtes payis d' Urope.[3]

peneuse fénCandjî

Dins l' ôte cas, li dmandeu djouwixh di s' bén ostant k' il est dit pol pake. Mins li dierin djoû, i gnè vént èn abominåbe oraedje ki distrût l' bastixhe. Et les rwenes dimanèt la po fé rsovni les djins d' après.

Cisse tcherpinte di fåve la si voet avou les moléns do payis d' Lidje.[4]

SourdantsCandjî

  1. Léon Marquet et Alfons Roeck, Légendes de Belgique, De Vlijt, Anverse, 1980, ISBN 90-6304-079-2; pp 270-271.
  2. Gaston Lucy, Lu diape maçon, Echos de la Cité"", 1968.
  3. Modèle 303.9.1 do rindjmint des fåves da Aarne et Thompson.
  4. Joseph Docquier, Li molén des cawetes, Li Rantoele 79 (erî-såjhon 2016).