Des rôzes et des spenes (tecses)
Dès Rôses èt dès Spènes
Des rôzes et des spenes (Dès Rôses èt dès Spènes), c' est ene schorseye di tecses e walon sicrîts pa Jean Wisimus. Li live moussa foû e 1926, eplaidî pa Ogusse Nicolet a Vervî.
Adrovaedje candjî
L' adrovaedje est scrît pa Jules Feller, èn ôte Vervîtwès. Mins Wisimus dit bén, foirt oniestrumint, k' i n' lyi a nén dmandé.
Divant, gn a èn adviertince, escrîte e walon pa Wisimus, po dire k' i leye les wangnes di s' live ås ancyins combatants:
Mes plankets d' prijhon, les ancyins prijhnîs publikes, m' ont dmandé po vinde mi live å profit d' nos camaerådes divnous malådes ou halcrosses tot moussant foû d' les pates di nos bôreas.
Dj' a trop bén wårdé sovnances di çou ki nos avans sofrou eshonne, ki po rén lzî meskeure.
Et dji sohaite d' aveur fwait d' ene pire deus côps: apoirter del djoye ås cis ki m' l' iront, et apoirter del djoye ås ces ki s' pårtiront l' malkea.
Et li saetchaedje especiå est eto e walon :
Dj' a fwait fé trinte lives come ci-ci so do bea papî d' Olande po les sinker a mes camaerådes. Dji n' lezî a metou nou limeros po n' nén fé des prumîs et des dierins.
Prezintaedje candjî
Li prumî tecse, c' est, oridjinåldimint, li live ki s' prezinte lu-minme:
Vo m' ci come
On plonk foû d' on pistolet
Agadlé di m' bele nouve mousseure,
Dj' aspite todroet d' mon Nicolet.
Loukîz m' bén so totes les costeures !
L' Ogusse m' a-t i bén ratrossî ?
Dijhoz: ni so dj' nén trop nukete ?
N' alez nén braire po m' ahessî ?
Ridjouwez l', et s' båjhîz braijhete.
Contnou candjî
Vocial li tåve do live:
- Prumirès vuzions (pitite djonnesse et scole, p. 25 a 60)
- Sovnances di djonnesse
- li veye di Vervî (p. 61 a 66)
- Djeus, fiesses, et tåvleas del rowe (67 a 112)
- Kékes tipes (portraits, p. 113 a 136)
- Fåves, lawes et brijhes (p. 137 a 158)
- Tåvleas d' manaedje (159 a 168)
- Li ridant ås rahisses (169-195)
Corwaitaedje candjî
Les dierins tecses do «ridant ås rahisses» sont datés di måss 1919 a djun 1921. C' est tos comintåres so les etrevéns di ces anêyes la. Ça fwait : c' est eto del documintåcion istorike so les anêyes djusse après l' guere di 14.