Jean-Nicolas Bassenge

Pol discramiaedje des årtikes avou l' mot « Bassindje », loukîz cial.

Jean-Nicolas Bassenge (e walon Cola Bassindje u courtinnmint, Bassindje), c' esteut on scrijheu e francès eyet l' grand tuzeu del binamêye revolucion, et on revinteu lidjwès des prumirès eures.

I a skepi li 24 di nôvimbe 1758 a Lidje. Il î moru li 16 di djulete 1811.

Sirîts

E l' moes d' djun 1787, il eplaide on live lomé «Lettres à l'abbé de paix» (letes a l' abé del påye), la k' i dmande dipus d' povwer pol peupe å prince-eveke Heusbrouk.

Dins les belès-letes e walon

On l' critike foirt dins l' paskeye di Djhan Såpire, poirteu ås saetchs, k' est scrîte pa on curé k' a sofri des revintreyes.