Ci n' est nén l' Mississipi (stroete plake)

C'èst nîⁿ l' Mississipi

Ci n' est nén l' Mississipi (C'èst nîⁿ l' Mississipi), c' est ene sitroete plake di muzike del binde di tchanteus «Woûrs dès Rayes» k' a vudî e 2017.

Tite del plake

Li tite est rprins del tchanson l° 5 (Fayite a Lafayete) ki cmince pa:

Li Hinne, li Wanze, c’ est nén l’ Mississipi.

Djinre di muzike

Ci sereut do «peur countri-rok burlesse» sorlon l' fijheu do livret.

Contnou

Prumî coplet et resploe di «Hillary Cominsot»

Gn a 11 tchansons, ene e francès d' Walonreye, les ôtes e walon des aschates walon-picård.

Gn a deus troes tchansons ki rahoukèt les Estats Unis divins l’ plake. Li cene ki l' incipite a dné l' tite («ont fwait fayite a Lafayete»). Pu co ene ôte lomêye e-n inglès «it 's not the river». Leye eto, on pôreut dire ki c' est leye k' a tchôkî l' idêye do tite.

Gn a eto on rapoirt d' on pacifisse so les dierins vôtaedjes eyet l’ lûte da Hilary Clinton et do coboy Donal.

Ene foirt plaijhante ariete est saetcheye d' ene viye tchanson, «On a touwé l' pourcea».