Cayé del Moirt (shonene)

デスノート

Death Note

Cisse pådje ci n' est co k' on djermon, dj' ô bén k' el pådje est djusse sibåtcheye, eyet co trop tene ; et s' divreut ele ecråxhî ene miete. Si vos avoz des cnoxhances so ç' sudjet ci, vos nos ploz aidî, clitchîz sol loyén « candjî l' pådje » po radjouter des informåcions.

Essene oficire do manga eyet do rilêye-fime.

Cayé del Moirt, c' est l' tite e walon d' on shonene. Dins les ôtes lingaedjes k' uznut l' alfabet latén, on wårde puvite el no e-n inglès : Death Note. Les shonenes sont l' eshonna des mangas po les djonneas, aprume les rfoircîs gaméns.

Istwere

C' est l' istwere d' on djonne ome ki s' lome Layto Yagami. I finixh ses sgondaires tot-z estant prumî d' ès classe. Il atake des hôtès studes po bouter come ès pa : Soytchiro Yagami, el tchif del polisse. Tot cmince cwand on djo del moirt, Riyuku, fwait tchaire on cayé del moirt sol Daegne. Dazår ki c' est Layto k' i l' voet eyet prind po lu.

Les rîles do cayé sont scrîtes e-n inglès, plamour ki c' est li lingaedje li pus cåzé daegnreçmint. C' est a ç' moumint la k' li djonne ome scrît ddins les nos des djins k' i doevnut mori, sapinse a lu. C' est foiravant des moudrels. Pitchote a midjote, Layto mambornêye des ptits cabês ubén les sakîs ki cachèt a l' fé atraper på djustice.

Seulmint, bråmint des djins amon les foices di l' ôre s' rindnut bén conte k' i gn a on moudreu ki touwe des bandiys timpesse. Adon, el police djaponesse, l' FBI veypus Interpol asprovèt d' arester ci touweu la. L' inkete est moennêye pa Ele, sipotaedje ki rind bon dvwer al dozinme lete di l' alfabet.