Boigne evandjîle

On boigne evandjîle, c' est on boigne sicrijhaedje ki s' prind po ene evandjîle.

Les evandjîles canonikes ont prins do tins po esse metous so papîs. Aprume, n' onk ou l' ôte a metou so papîs des dijhaedjes da Djezus, sacwantès anêyes après les fwaits. Pus tård, on ôte sicrijheu, minme apoisse, a prins les sourdants ki gn a, avou ses sovnances, et totafwait rarindjî, sorlon l' messaedje k' i vout passer. Sacwantès anêyes pus tård, les crustins k' ont cnoxhou l' sicrijheu ont radjouté et rfé sacwants passaedjes, d' après les sovnances k' il ont yeu di çou k' li scrijheu lzî aveut pretchî. Insi, li scrijhaedje tot fwait a stî léjhou ås ofices.

Mins les boignès evandjîles ont stî scrîts d' on côp, pa ene di djin, sins des ôtes sourdants ki des evandjîles canonikes. Adon les eglijhes n' els ont måy accepté.