Barack Obama
Barack Obama (rashiou aprume al comene come Barack Hussein Obama II), c' est li 44inme prezidint des Estats Unis.
Elî e 2008, i govierna di 2009 a 2016. I vna après Djôr Bush fi. I serè shuvou pa Donald Trump.
Ci fourit l' prumî prezidint ki n' esteut nén pår on blanc.
Elijhaedje et relijhaedje
candjîIl a stî relî på Pårti democrate pu elî e moes d' nôvimbe 2008.
Si elijhaedje a stî bistoké dins bråmint des payis foû des Estats-Unis, copurade après li veyaedje-evi des Amerikins di cåze del politike do prezidint di dvant, George W. Bush.
Il a rpassé åjheymint cwatre ans pus tård, po ene deujhinme termene.
Rilomés spitchs
candjîE moes d' djulete 2009, å Caire, i fjha on spitch bén etcherpeté, et pår abalancî, po djåzer des rapoirts des Estats Unis avou les Muzulmans. Et ricnoxhe ki c' esteut les Estats Unis les cåzes do ståraedje do prumî redjime democratike e l' Iran.
Ouve
candjîSes idêyes ont stî bråmint espaitcheye pa les republikins, mwaisses del Tchambe, pa moumints. Mins purade pa les poûssances politike, come li lobi des åres, et l' ci pro-israyelî.
Il a cwand minme adiercî :
- ene moutouwele po bråmint des cis ki nd avént pont.
- ene politike di bate di dvize avou l' Iran, sins rzultats, mins k' a espaitchî l' guere.
- li rsaetchaedje des sôdårds estazunyins d' Irak et beacôp d' Afganistan, et li nén-regadjaedje dins des novelès gueres, come el Sireye.
Il a fwait berwete :
- sol dossî palestinî : on pout minme dire ki Binjamin Netanyahou lyi a rî å nez.
- sol rastrindaedje des åres å feu.
- li guere di Libeye, ki n' a amoenné ki des displis å Amerikins k' î ont stî mete li moxhet dins les poyes sins l' acoird di l' ONU.
Shuvance
candjîÈs sigond, Joe Biden, divénrè li 46inme prezidint estazunyin a pårti do moes d' djanvî 2021.
Alére
candjîLucyin Mahin : "Tot çk’ Obama n’ sårè ddja fé", divins divins Li Rantoele l° 48, ivier 2008-2009.