Asterlodjeye

L' asterlodjeye, c' est ene tecnike po dire l' avni d' ene djin, tot s' rashiant so s' planete et li pôzicion des stoelreyes dins l' cir po ene metowe termene (ene samwinne, on moes, èn an).

Po bråmint des djins d' ouy, c' est ene fåsse syince po-z atraper les cis (cenes) di doûce creyance. Did la li vî mot walon asterloke, ki vout cåzu dire "grimancyin".

Portant, des ôtes k' i gn a dijhnut ki c' est ene vraiye syince. I lomront el ci k' el pratike èn asterlodjisse.

Dinltins, des grands matematikîs (come Omar Xhayyam) wangnént leu veye tot saetchant les planetes des rwès et des nôbes.

Alez s' vey e splitchant motî po des linwincieusès racsegnes so les mots "asterloke", "asterlodjeye" et "asterlodjisse".

Sôres d' asterlodjeye

L' "asterlodjeye coûtchantrece" u "asterlodjeye caldeyinne" a skepyî la dipus d' 4000 ans, e Moyén Levant. C' est leye k' est rashiowe so 12 planetes, d' a pô près on moes d' tins.

L' asterlodjeye chinwesse est båzeye so les anêyes.