Arthur Potier

Pol discramiaedje des årtikes avou l' mot « scrijheus lomés Potier u Pottier », loukîz cial.

Arthur Potier, c' esteut on scrijheu e walon k' a skepyî li 22 d' djanvî 1870 a Cînè. Il a morou a Sint-Djîle-dilé-Brussele li 18 di måss 1944. I sinéve cobén d' on no d' pene «Reitop».

Arthur Potier

Skepiaedje	22 di djanvî 1870, Cînè
Moirt	18 di måss 1944, Sint-Djîle
Activités	scrijheu
Ôtes nos	Reitop

WIKIDATA

C' est on scrijheu e walon ki compôzéve lu-minme des muzikes po ses ouves. C' esteut ossu on bouteu pol walon a Brussele.

Il a stî relî dins l' antolodjeye des powetes walons namurwès.

Arthur Potier esteut l' bea-pere da Michel Duchatto.

Ouve e walon

E 1920, i fwait rexhe ene ramexhnêye d' arimés «Nos les tnans» ki tapnut so les Almands do tins del guere di 14. Les powinmes avént stî scrîts tins del guere, et esse sipårdous catchetmint.

E 1942, i replaide on live «Rachonadje» la k' il a metou eshonne des arimés, des tchansons, ey ene pîce di teyåte e-n èn ake «A Mouze» . Li live est adrovou pa Robert Boxus.

Il a scrît ene driglêye di pîces di teyåte :

• Ene luçon d' tchant (operete e-n èn ake) (1907)
• On concert a Crupet (operete e deus ake) (1909)
• Li mariaedje d' on mutilé (operete e-n èn ake) (1920)
• L' oûsse (1927)
• I rlegne (1927)
• Li marixhå d' Ferlêye (1927)
• Li crampon da Zidôre (1909)
• Troes gueyes d' on côp d' bolet (1930)
• Nosse curé å viyaedje (1930)
• I rewale (1934)
• A Mouze (comedeye e-n èn ake) (1942) &

Corwaitaedje di si ouve

Il a rascodou sacwants pris dins les bates di scrijhaedje. Si ritche motlî ni provén nén fok di Nameur, mins eto des ôtès coines do payis, dandjreus cåze di ses cnoxhances di totes sôres di Walons a Brussele. Pår si bea-fi, Michel Duchatto. Egzimpe :

Nedon, Babete, ké bea djoû d' fiesse !
Schoûtez les ptits andjes, sins repit
C' est zels, schoûtez, ki tchantèt messe
Dal fene copete do paradis.
Schoûtez don, feme, kénès trûlêyes
Djezuss todi ! Mins ki c' est bea !
Les rmimbrances vinèt pa hinêyes.
On s' rissint… on a l' cour ki bate. 

Li mot «rimimbrance», metans, n' esteut pus eployî ki so Lidje et l' Hôte Årdene e mitan 20inme sieke.

Mågré çoula, i n' est nén cité dins les «Clairtés» da Piron.

Hårdêye difoûtrinne

• Vos trouvroz des racsegnes so les ouves da Arthur Potier, u les ouves zeles-minmes, so Wikisourd e walon.