Drovi l' mwaisse menu

Antêye (fr: Anthée) est èn ancyin ptit ban del Walonreye, rebané avou Onwaye, el province di Nameur.

eglijhe
Tchestea "De Fontaine".
Tchestea "De la Forge".

Po l' etimolodjeye et les vîs scrijhas, riwaitîz dins l' esplicant motî.

Antêye a l' minme etimolodjeye ki Antè.

DjeyografeyeCandjî

Li viyaedje est metou al croejhlåde des voyes Flipveye-Dinant et Fosse-li-veye-Biarin.

Hamteas : Miavoye, Ostermée.

IstwereCandjî

On-z î a trové ene villa rominne, riwaitêye come on bea modele. Gn a eto on çmintire do tins des merovindjins. Çoula mostere ki l' viyaedje esteut metou a ene plaece foirt ricwerowe.

El moyinådje, li viyaedje a passé dizo l' fesche royå di Djivet et pu a passé dins l' conteye d' Ådjimont, li conteye di Nameur, li conteye di Tchini (å 13inme sieke).

Après, il a stî toû a toû dins les mwins des signeurs di Sinzeye, d' Ådjimont, pu d' l' abeye di Felicspré. Cisse-ciale, e 1666 rivindrè ene pårt del signeurreye di Fontinne a Jacques de Groesbeeck et s' disfé do restant e l' vindant å mwaisse di foidje d' Antêye Laurent Jacquis.

E 1731 totes les teres do ban sont rashonnêyes inte les mwins di Pierre Jacquier (èn ôte mwaisse di foidje). Les dischindants di ci famile la les vont wårder djusk' al fén do Vî Redjime.

Economeye et tourisseCandjî

Les mwaissès ritchesses do viyaedje djuk' å 19inme sieke ont provnou lontins di l' industreye do fier et do keuve, di l' agriculteure insi ki di l' esplwetaedje des bwès. Å 19inme sieke l' agriculteure î est todi foirt impoirtante puski li mitan des teres î sont eco consacrêyes. Alfén å 20inme sieke c' est l' aclevaedje des biesses et l' tourisse — djîsses e viyaedje — k' ont pris li rlais.

Populåcion sorlon les anêyesCandjî

Rilomêyès djinsCandjî

C' est dins l' viyaedje d' Antêye k' a vnou å monde Willy Maltaire k' on sorlome eco Will, li dessineu del BD Tif et Tondu.

Difoûtrinne hårdêyesCandjî

I gn a so les cmons Wikipedia des imådjes ou fitchîs son a vey avou Antêye .