Mambor

Pol discramiaedje des årtikes avou l' mot « Mambor », loukîz cial.

On mambor (on dit eto: on manadjer, èn adjint), ene mamborresse, c' est onk u ene ki rprezinte on bocseu, on fotbalisse, èn acteur di cinema, on scrijheu, on tchanteu, evnd., cwand c' est po fé martchî avou ene ekipe di fotbal, on produjheu d' fimes, èn eplaidreye, ene societé d' plakes…

Li mambor est sovint payî d' on porcintaedje sol contrat.

Motlî

Sorlon les dominnes, on l' lomrè mambor di djouweu d' fotbale…

Les mambors å djoû d' ouy

Li mestî d' mambor est purade ene uzance des Amerikins ki des Uropeyins, mins ça wangne e l' Urope avou. E Vî Continint, nerén, ci n' es nén co on mestî k' est bén veyou. On rprezinte sovint les mambors come des hape-tchå des sportifs u des årtisses.

Ovraedje d' on mambor

I va sayî di "vinde" si pratike å meyeu pris. (c' est come ça k' i wangnrè l' pus lu ossu). Eto, metans po les scrijheus, i va sayî di vinde des prodûts dléreces. Li mambor des zwers da Hergé, i vont vinde li droet di mete des imådjes da Tintin so les texhous, les tchapeas. D' endè fé des videyos, des djeus po tåvlete éndjolike (Playstation).

Rilomés et mårlomés mambors

• Mogi Bayat (ametou dins l' «fotbalgate bedje 2018»)
• Dejan Veljkovic (ametou dins l' «fotbalgate bedje 2018»)