Abel (binde)
Abel, c' est ene binde di muzike neyerlandès eyet neyerlandès-cåzante ki vént d' Effen, ene comene nén lon d' Breda, el province do Braibant Bijhrece. Èç binde ci est puvite kinoxhowe po li tchanson, Onderweg, k' aveut rexhowe, e 2000.
Istwere candjî
Atake candjî
E 1996, i gn aveut Joris Rasenberg, Freek Imbens eyet Robert Stobbelaar k' avént askepyî l' binde. Ces troes omes rola s' kinoxhént d'dja dispoy les umanités. Avou ça, s' radjoute èn ôte mimbe : John Koeken. El binde si lomeut divinltins : The Acting Crowd. Tenawete, padri èn an, ils avént decidé d' ercandjî l' no po Abel, c' esteut po rinde bon dvwer a on fime d'Alex van Warmerdam. Ils volént eto fé del pope neyerlandesse. El prumire såye, fwaite pa zelzôtes, leu dene on contrat po l' eredjistrumint. Totfeye, Robert Stobbelaar, k' esteut l' bateu, aveut låtchi l' binde. Abel ricwereut, adon, après on novea bateu, pus on deujhinme guitarisse. Ils avént trové Emiel Drost pol batreye, insi ki Maarten van Damme come sigond guitarisse.
Prumire yet dierinne rilomêye candjî
El prumire tchanson del binde (3 dagen zon) n' aveut nén stî. Mins nerén, ene ôte tchanson, Onderweg, aveut divnou foirt peuprece ey a stî al prumire plaece dins les clasmints neyerlandès eyet flaminds al atake del anêye 2000. Ene miete après, el binde aveut rexhou ès prumî albom : De stilte voorbij. Les TMF Awards avént dit d' zels k' Abel esteut ene binde avou l' pus bea avni. Abel aveut djouwé po rén po les victimes des feus d' årtifice d'Enschelde. Al fén d' cist anêye la, el binde aveut djouwé al Night of the Proms, ki s' aveut passé e-n Ahoy, nén lon d' Rotterdam.
Padri Onderweg, Abel a fwait berwete. Bråmint ont låtchî l' binde dins les deus ans k' avént shuvou. Joris Rasenberg esteut l' dierin a awè dimané rola, mins il a stî raplou pa Eric Smans, on novea guitarisse. E 2002, ès deujhinme albom, Doen en laten, ere rexhou, mins c' esteut ene kine.
Ralaedje candjî
Abel a rivnou e moes d' setimbe 2010, avou ene troejhinme muzike : Zolang je bij me bent. Elle aveut stî shuvowe på troejhinme albom : 12 uur. Li tchanson, Tot het helder wordt, c' est l' dierinne tchôze k' el binde a fwaite eyet c' esteut e 2012.
Discografeye candjî
Alboms candjî
- 2000 : De stilte voorbij
- 2002 : Doen & laten
- 2010 : 12 uur
Tchansons candjî
- 1999 : 3 dagen zon
- 2000 : Onderweg
- 2000 : Neem me mee
- 2000 : Zonder een woord
- 2001 : Liedje
- 2001 : Nooit meer bang
- 2002 : Walsen
- 2010 : Zolang je bij me bent
- 2012 : Tot het helder wordt
Sourdants candjî
Biografie van Abel (band) in de Muziekencyclopedie
Ratournaedje di l' årtike do Wikipedia neyerlandès-cåzant :