4e live d' Esdrasse

Li cwatrinme live d' Esdrasse est on live do Vî Testamint. Dins l' bibe latinne, on l' lome deujhinme live d' Esdrasse. I n' est nén dins l' prumî-canon, nerén dins l' deujhinme-canon; on l' sondjreut purade dins l' troejhinme-canon.

Nén totes les bibes d' asteure ont ç' live la, dabôrd ki po les pus grandès pårteyes des Eglijhes, il est boigne. Mins on l' trouve voltî dins l' bibe latinne (Vulgate), dins l' Bibe do rwè Djåke en inglès, dins l' bibe etiopyinne, dins l' bibe russe, dins l' bibe djeyordjinne, et dins l' Nouve Bibe Eternåcionåle inglès-cåzante. Sacwantès aråbès bibes l' ont eto. E latén (ey en inglès), il a cwate tcheptrês d' rawaite (deus padvant, deus padrî) ki dins les ôtes lingaedjes.

C' est on live d' apocalipe. Li live pretind ki l' mådjustér Esdrasse åreut sitî veyou pa des andjes, ki lyî årént raconté l' difén do monde, eyet les poennes et les djoyes des cias k' ont morou.

On sait bén ki ç' n' est nén Esdrasse k' a scrît l' live.