Åyneu (fr: Ayeneux), ossu lomé Li Bascule est èn ancyin ptit ban del Walonreye, rebané avou Soûmagne.

  • Limero del posse: 4630 (vî limero 4622)
  • Limero diyalectolodjike: L 94
  • Hamteas d' Åyneu: ås Cåmes (fr: Carmes, so plaece ås Cånes); e Fond des Gotes (fr: Fond-de-Gottes, so plaece Fond d' Gotes); Divins les Hés (fr: Les Heids).

L' etimolodjeye do no vént d' on bodje (latén & tîxhon) asta (pitit bwès, pitit baston, lance di sôdård, rl a: estale), et ene cawete -oe (dizo disfondowe -eu), avou on rstitchî N grammaticå: bwès di ptits åbes. Li no di Bascule vént d' on no d' plaece Al Bascule, wice k' i gn a yeu dins l' tins ene bascule po pezer les tchårs et les biesses; pa stindaedje on a sovint lomé l' ban lu-minme di s' no la.

Vîs scrijhas: Astanid (888), Astaneit (966), Asneit (1050), Aienoz (1267), Ayneur (1314), Aynoir (1314), Ainoir (1317), Aieneur (1357), Ayeneur (1361), Aieneur (1362), Ainois (1366), Adnois (1424), Ayenouz (1448), Ayeneux (1455), Aieneux (1457), Ayeneneux (1544), Ayneulx (1568), Agneux (1760).

BibliografeyeCandjî

B.S.L.L.W lº 53, 2inme boket; pp. 333-402; Toponymie de la commune d'Ayeneux pa Jean Lejeune; 1909.