Veskeveye

Veskeveye (e sistinme Feller Vèskèvèye a Veskeveye, Vèskèvaye a Årveye, Vèskuvîe a Libin; (fr) Vesqueville), c' est èn ancyin ptit ban del Walonreye, rebané avou Sint-Houbert el province do Lussimbork.

• 
• 

Mwaissès dnêyes

• Limeros del posse :
  • asteure : 6870
  • davance : 6901
• Limero diyalectolodjike: Ne 17
• Lomaedje et spotaedje des djins did la:
  • Lomaedje: Veskeviyî, Veskeviyresse; (F. Vesquevillois, oise)
  • Sipotaedje: les Vesseus.

No di des plaeces di Veskeveye

Kékes toponimes

• A vey avou des tchamps, des prés et des sårts:
  • Sårwé (Sârwè)
  • Wignåtchamp (Wignatchamp)
• A vey avou des aiwes:
  • rixhea do Leupont
    • li bî d' Sårwé (bî d' Sârwè)
  • rixhea do Djîmont
    • Gote
    • Sermifontinne
  • Courète : bî d' raiwaedje vinant des Hatches et ki coréve disk' å viyaedje.
  • rixhea d' Colrin (limotche inte Veskeveye et Brå-dlé-Libråmont)
  • rixhea do Bokè, ki prind sourd so Veskeveye, pu va esse li prumî aflouwant d' l' Aiwe di Lome.
• A vey avou les tienes et les vås:
  • Mayåvå (Mayavôs, fr. Mayavaux)

Tuzance walone

Djins et soces

• Sicrijheus e walon :
  • Willy Leroy î a stî lontins mwaisse di scole, et î dner des cours di walon.
  • Dimitri François î a crexhou.
• Ricwereu sol walon: Laurent Dabe
• Teyåte e walon : Dramatike "Cercle vesquevillois", askepyî e 1988; a djouwé des pîces di sacwants scrijheus walons come Christian Derycke u Charles Bentz, mins eto des eternåcionås. Totes les pîces estént redjårbêyes avou l' accint walon do viyaedje pa Willy Leroy, pu pa Claudine Lurkin. Li mwaisse del djowe, c' est Georges Lesuisse. Il ont wangnî deus côps li cope do Rwè.

• 
  li dramatike e 2006
• 
  Willy Leroy, riçuvant on pris d' l' UCW, 2017
• 
  pîce di 2018

Accint walon d' Veskeveye

Mågré ki Veskeveye n' est k' a 2 km do Bork, l' accint walon î est ene miete diferin. Cial, li spotchåve voyale est "è" ("u" a Sint-Houbert). Ces diferinces la serént la a cåze del raloyance rilidjeuse di Veskeveye al pårotche di Freu et nén å Bork.

Les viebes del prumire sôre sont-st avou l' cawete -è (et nén -er, come a Libin, 10 km lon).

Eredjistrumint

Cial, vos ploz schoûter èn eredjistrumint del fåve do vî vî tins «Li bijhe et l' solea» avou l' accint d' Veskeveye fwait pa Dimitri François pol Djåzant atlasse éndjolike des lingaedjes di France et d' avår la.

Hårdêyes difoûtrinnes

Loukîz a : Dramatike di Veskeveye#Hårdêyes difoûtrinnes

• Ene videyo so ene pîce e walon a Veskeveye (On dit k' les manaedjes ni vont pus)
• Shûte del pîce et responda des djouweus