Tribal Mustachol

Tribal Mustachol (nexhou e 1944 eyet k' est moirt dispoy 1984), d' ès veur no « André Capitaine », c' esteut on tchanteu lidjwès eyet francès-cåzant des anêyes 1970, foirt peuprece po si tchanson : A La moutuelle. Come d' efet, ci tchanson cial dimane percé a contruviesse.

Discografeye

El lisse vént d' roci :

• 1972 : La grappa
• 1972 : Ma flamande (mais, je l'aime)
• 1973 : A La moutouelle (ft. Burt Bianca)
• 1973 : A La Secu Cu
• 1975 : Idi Amin Dada
• 1983 : I Tuze Djoseph – Li Blues De Dju-d'la-mousse

Ramdam

A l' atake, cwand ses tchansons ont vudî, Tribal Mustachol n' esteut nén må veyou. La k' ès tite, A La moutouelle, a dmoré ût samwinnes dins les dijh prumirès plaeces di l' Ultratop. A l' epoke, les Walons estént ossu puvite conte les abagants itålyins. Dins li tchanson « A La moutouelle », Tribal Mustachol djouwe l' rôle d' èn abagant itålyin k' a vnou el Beldjike po profiter des aidances sociåles.

Dispoy el dijhnêye 2000, li tchanson « A La moutouelle », est rwaiteye tot-z estant zenofobe, veyanmint k' el tecse est conte les Itålyins ki vicnut el Beldjike. Copuvite k' a Lidje, si veye, i gn aveut, dins l' dijhnêye 1970, bråmint des Itålyins. Ene ôte k' est eto rwaiteye po-z esse zenofobe, c' est « Ma flamande (mais, je l'aime) ». Totfeye, a l' epoke bråmint des djins el Walonreye avént des afwaires conte les Itålyins. Sorlon Pierre Petit, on professeur a LUB, Tribal Mustachol aveut trepådjné les Itålyins avou, çk' i lome, des « interactions publiques de routine ». Sorlon ene ôte estude, les crakes ki fjhént tos les bedjes, a ciste epoke la, c' ît sovint des crakes conte les abagants : itålyins, trouks, et tchik et tchak.