Vexhåd
Li vexhåd (on prononce pus coramint vèchau u fichau) u vexheu (on prononce pus coramint viheu), c’ est ene biesse ås tetes del famile des bascolidîs.
Les vexhåds, 20 a 30 cm di longs, sont pus gros k’ les marcotes et les roumenes, mins pus ptits k’ les fawenes les lotes et les mådrês. Il est bråmint pus noer di pwels ki ces-la, copurade so les pates eyet l' cawe. I polèt aveur des pus blancs pwels sol tiesse.
C’ est les cis ki sintèt l’ pus mwais cwand i låtchèt leu nodeur foû des glandes del cawe.
Les vexhåds sont aclevåves, et on les lome adon des furets.
No e sincieus latén : Mustela putorius
Alez s' vey e splitchant motî po des linwincieusès racsegnes so les mots "vexhåd" et "vexheu".
Amagnî et vicaedje candjî
I polnut touwer des biesses bråmint pus grosses ki zeles, des poyes et des robetes, metans.
Li vexhåd pout apicî des oûs dins s’ gueuye, et les repoirter e s’ bôre, sins lzès casser.
I fwait s’ bôre dins tere u dins des lignires (tas d’ bwès).
Waerantixhaedje candjî
Asteure, el Walonreye, on n' pout pus touwer les vexhåds, ni ls epayî. Portant, dins les bascolidîs, c' est ene biesse ki dmeure foirt corante, sins waire di risse d' esse dizindjnêye.
