Toitche-nez
On toitche-nez, c' est on mantche avou on laesse après, k' on toirtcheye dissu l' lepe dizeutrinne d' on tchvå ou d' on moulet po l' tini astok. Et l' årtisse el poleur viziter et médyî.
On s' è pout siervi eto so les chamos.
Bokets do toitche-nez candjî
- li coide: nén trop grosse po n' nén schiper; ça pout esse ene cénkinne di coides di balot.
- li mantche: trawé å dbout do dzeu po passer l' coide
Metaedje do toitche-nez candjî
On passe si mwin dins dins l' laesse del coide, et leyî pinde li toitche-nez après s' pougnet.
D' ene mwin, on apice li lepe dizeutrinne do tchvå, et d' l' ôte, on toirtcheye li coide åtoû del lepe, tot tournant l' mantche raddimint. Li mwin continowe a tni l' lepe, disca tant ki l' coide est bén toirtcheye et l' lepe bén serêye, tantea k' on pout tni l' lepe (et tote li tiesse, et tot li tchvå) avou l' mantche, sins waire di foice.
On l' pout mete eto après ene oraye (metans on deujhinme toitche-nez, a des biesses foirt kitapantes).
Esplikêye sol rotaedje do toitche-nez candjî
Li doleur askepieye på toitche-nez fwait ki l' biesse ni prind nén asteme ås ôtes doleurs, par egzimpe, cwand on lyi fwait ene pikeure.
