Li sprewe, c' est on gros moxhon k' a on noer ploumaedje avou des brunès rglatixhances, et des grijhès tapineures, aprume di l' esté.

Ene siprewe
Mape del siprewe
oûs di sprewe

Il a ene coûte cawe et on djaene betch e l' esté. E l' ivier, si betch divént brun.

Ele pond des beas bleus oûs.

El Walonreye, c' est on dmorant oujhea.

No e sincieus latén : Sturnus vulgaris.

Famile des spriwidîs.

Po des linwincieusès racsegnes sol mot "sprewe", alez s' vey sol Wiccionaire

Vicaedje des sprewes candjî

Les sprewes si rashonnèt sovint a grandès volêyes, ki vont coûtchî al minme plaece.

Ele magnèt voltî des ceréjhes. Dins l' Hesbaye flaminde (do costé d' Lande), on bouxhe å canon po sbarer les volêyes di sprewes, por zeles èn si nén vni abate so les cerijhîs. [1]

Sipårdaedje djeyografike candjî

Li sprewe dimeure tote l' anêye e l' Urope coûtchantrece. E l' Espagne ey e l' Afrike bijhrece, ele n' î vént k' a l' ivier. El Sicandinaveye, ele î va acover e l' esté, mins vole evoye po l' ivier.

Les sprewes ont stî epoirtêyes e l' Amerike bijhrece, el Nonne-Afrike ey e l' Ostraleye, dandjreus pås colons inglès. C' esteut sol difén do 19inme sieke, pa des fjheus di djårdén d' aclimatåcion

Li sprewe dins l' tuzance eyet l' lingaedje walon candjî

Dins l' lingaedje walon, li sprewe est må veyowe. Po s' kitraiter inte di zels, les efants eployént sovint l' ratourneure "djonne di sprewe". Cwand on louméve ene sakî "li sprewe" (come no metou), elle esteut foirt mwaijhe.

Lu vî sprâwe, c' est l' no di l' anouwaire do Rweyål Club walon di Måmdey.

Sourdants candjî

  1. Cåzaedje avou Martine Mahin, ki va pormoenner dins ç' payis la, li 28 d' octôbe 2007.
 
Commons
I gn a so les cmons Wikipedia des imådjes ou fitchîs son a vey avou les sprewes .