Sitouwåcion linwistike del Walonreye
So l' aroyaedje del Walonreye on djåze des diferins lingaedjes, li pupårt estant des lingaedjes romans, mins end a des lingaedjes tîxhons eto.
Lingaedjes oficirs candjî
Les lingaedjes oficires sont l' francès, pol pårteye del Walonreye dizo l' dujhance culturele del Federåcion Walonreye-Brussele, eyet l' almand pol kiminålté tîxhon-cåzante di Beldjike.
Les deus lingaedjes sont-st ofircs å pårlumint walon a Nameur.
Li francès cåzé el Walonreye a bråmint des tourneures et des mots et des accints ki lyi vnèt do walon.
Lingaedjes do payis candjî
I gn a shijh lingaedjes do payis so l' aroyaedje del Walonreye, ki sont:
- des lingaedjes romans
- li walon : eviè 70 åcint del sitindêye; loukîz a Walonreye walon-cåzante.
- li picård : diviè 15 åcint del sitindêye, ezès cotoûs di Mont, Ate, Tournai.
- li gåmès : a pô près 5 åcint del sitindêye, dins l' arondixhmint d' Vierton.
- li tchampnwès : moens ki onk åcint del sitindêye, dilé Suni (troes cwate viyaedjes) et Cou-des-Sårts.
- des lingaedjes tîxhons
- li lussimbordjwès : 4 åcint del sitindêye dins l' payis d' Årlon, sacwants viyaedjes des comenes di Faiviè et d' Gouvi, so Måtlindje et a Nonne des Redîmés Payis (Sint-Vit)
- li ripouwaryin : 5 åcint del sitindêye sacwants viyaedjes dilé Vervî et li grande pårteye des comenes del kiminålté tîxhon-cåzante di Beldjike.