Sint Djerlaxhe

Sint Djerlaxhe a skepyî a Houtén-Sint-Djerlaxhe, viyaedje asteure e Limbork olandès, a 6 km di Måstrek, sol voye di Meersen a Fåcmont å cmince do 12inme sieke. Al moirt di s' feme, i fourit tot dzôrné, et fé on perlinaedje di set ans a Djeruzalem. Rivnou e s' payis, i vola fé penitince, dina tos ses béns azès målureus, et ndaler dmorer dins on bodje di tchinne. On djheut k' i n' moussive foû di si åbe fok po rweri les biesses di cinse. I mora e 1172.

Al plaece di l' åbe sint Djerlaxhe, on bastixha ene tchapele, la k' les djins vnît e perlinaedje, copurade li 5 di djanvî eyet l' prumî d' djun, po waeranti leus biesses des maladeyes. Li tchapele a stî clôse pa Djôzef II e 1783. On schapa les rlikes da sint Djerlaxhe, et ls emoenner a Ruremonde. Ele ni rivnît a Houtén k' e 1841.

Ôtes perlinaedjes a sint Djerlaxhe

• a Batice, messes li 5 di djanvî eyet mårdi do céncwinme, adjinçnêyes pal cofrereye sint Djerlaxhe, askepieye e 1842.
• å Trimbleu, messes li 5 di djanvî avou benixhaedje do pwin et d' l' aiwe.
• a Horion Hozemont, on l' vént siervi avou sint Cornelisse, sint Djiråd et sinte Matrice.
• a Cwareme, messe li londi del Pintcosse.
• Gn a eto des posteures da sint Djerlaxhe dins les timpes di Grinnveye eyet d' Fexhe.
• tchapele sint Djerlaxhe (so plaece: Hèrlake) a Ôtêye.

Imådje do sint

on moenne avou s' paltot d' pelrin so s' dos, ene gôre, on bordon, et des biesses di ttåtoû d' lu.