Sint
On sint, ene sinte, c' est ene djin k' a beacôp fwait do bén dins s' veye, et k' est ricnoxhowe come tele pås djins d' avår la.
Les sints d' glaece, c' est des (mitan) vraiys sints, ki racsegnnut so ene termene meteyolodjike do moes d' may el Walonreye.
Les sints fiestis el Walonreye sont metous so ene pådje a pårt.
Mwaissès dnêyes candjî
Les sints sont fiestis dins des tchapeles. Les crustins (mins nén les muzulmans ni les djwifs) endè fjhèt des posteures, et les ponde so des tåvleas.
Dinltins, el Walonreye, po dmander ene faveur a on sint, on lyi "prometeut l' voye". Dj' ô bén k' on prometeut d' aler a pî e perlinaedje a s' tchapele. On djheut k' on aléve riclamer, metans, sint Breyåd.
Les muzulmans chiyites ey ene pårteye des sunites (metans e l' Afrike bijhrece alèt sifwaitmint perliner sol tombe-tchapele d' on sint ome u d' ene sinte kimere. Mins bén dire k' i dmandnut ene sacwè direk å Bon Diu pal voye di ç' sint la, ki n' a nou povwer di lu-minme.
Eglijhe catolike candjî
Loukîz a : «Pere di l' Eglijhe»
Po esse ricnoxhous come tés, i dvèt aveur sitî canonijhîs.
Eglijhe ortodosse candjî
N a bråmint des dessinaedjes di sints dins les eglijhes ortodosses (metans, el Walonreye, a Tchevtogne.
Islam candjî
Les sints sont lomés e l' arabe wali saleh (on statut ricnoxhou dins l' Alcoran). Sacwantès uzances, purade e l' Afrike bijhrece, lezî ricnoxhèt li polance di rinde pus åjhey les priyires di dmande å Bon Diu. Tolminme, bråmint des corants sunites, inte di zels les Wahabites, ni ricnoxhèt nén les perlinaedjes ås sints. Les Chiyites sont pus adûs a fé l' voye po les sints, metans, a l' imam Hosseyn.
Djudayisse candjî
E Marok, sacwants sints sont ricnoxhous a feye pa les Muzulmans et pa les Djwifs.