Savtî ki rene

Pol discramiaedje des årtikes avou l' mot « savtî », loukîz cial.

Li Savtî ki rene, u: li renant Savtî, ou co: li renant Djwif, c' est ene doûce creyance so ene djin k' a morou petcheu et k' a stî codånêye a dmorer so Tere et cori toltins al disgoviene, d' ene plaece a l' ôte.

Li Savtî ki rene Ahasverusse (pondeure da Ferdinand Hodler)

Istwere

Li paskeye do Savtî ki rene n' a rén a vey avou les vraiyès creyances crustinnes.

Elle a skepyî el Mîtrinne Ådje, diviè l' 13inme sieke, la k' on djheut k' èn eveke d' Årmeneye esteut on djwif k' esteut al Passion d' Djezus-Cri, et ki, po ene fåte ki n' est djamåy esplikêye, doet dmorer so tere disk' å dfinmint do Monde.

Li no walon li pus corant, ki djåze d' on savtî, vénreut d' on live almand di 1648, la k' on ptit coibjhî d' viyaedje, lomé Ahasverusse, vout k' il åye sitî temoen coirzenoxh do crucifiaedje da Djezus-Cri.

• 
  veyou pa Hans Schwaiger
• 
  vî dessén d' Ahasverusse

Dins l' lingaedje walon

On nd a fwait ene ratourneure:

måy cou so xhame, nén pus ki l’ Savtî ki rene

Li spoûle esteut si bén cnoxhowe k' elle a divnou ene marke di toubak (Savti qui renne), dipoizêye e 19inme sieke pa Måjhon Henri-Hubert Lemal, rowe do Pont ds Åtches, 4 a Lidje.

Gn a-st avou, on mot walon da Guy Fontinne sol ratourneure.

Hårdêye divintrinne

(esplikêyes da Gui Fontinne, e walon, eyet Gabrièle Davroy, e francès; racourti do l° 176 des Mots walons)