Apache OpenOffice, ancyinmint « OpenOffice.org », c' est on libe office. Ôtrumint dit, il est po rén eyet n' a pont vraiymint di mwaisse. OpenOffice a-st askepyî e 2002 ey el dierinne modêye est l' ci do 27 di fevrî 2023 (modêye : 4.1.14).

Logo d' Apache OpenOffice dispoy 2014.

Istwere candjî

L' office StarOffice a rexhou e 1985 ey a stî racaté på societé lomêye « Sun Microsystems », catoize ans après. C' est ci societé la k' a drovou l' côde sourdant d' OpenOffice, e 2002. Ût ans ont passé ey Oracle a rprindou Sun Microsystems. Veyanmint k' i shonnéve k' Oracle end awè keure come di l' an cwarante d' OpenOffice, bråmint des diswalpeus ont peté evoye ey ont askepyî LibreOffice. Do costé d' Oracle, on-z a rvindou OpenOffice a Apache.[1]

OpenOffice est afeye zinglé po n' esse nén sovint metou å djoû. Copurade k' ès pordjet fré, LibreOffice, l' est sovint.[2] Ådzeu d' ça, LibreOffice a ddja scrît ene drovowe lete a OpenOffice po arester eyet po-z aspaler a diswalper l' pordjet da LibreOffice.[3]

Programes candjî

  • OpenOffice Base
    • Ci programe éndjolike la permete d' askepyî des soûmints di dnêyes.
  • OpenOffice Calc
    • Çoula, c' est on programe po-z askepyî des tåvleus.
  • OpenOffice Draw
    • Çoula, c' est on programe po dessiner.
  • OpenOffice Impress
    • C' est on programe po-z askepyî des diyaporamas.
  • OpenOffice Math
    • Èç programe la, c' est cåzumint l' minme k' OpenOffice Calc, mins il est pus specialijhî dins les matematikes.
  • OpenOffice Writer
    • Çoula, c' est on aspougneu d' tecse.

Hårdêye difoûtrinne candjî

El waibe d' Apache OpenOffice.

Referinces eyet sourdants candjî

  1. https://creation-web-56.fr/passez-a-libreoffice/
  2. https://itsfoss.com/libreoffice-vs-openoffice/
  3. https://blog.documentfoundation.org/blog/2020/10/12/open-letter-to-apache-openoffice/