Nôbe boloe

magnåve tchampion des bwès, foirt ricwerou
Magnåve boloe
Boletus edulis (Foto: Jean-Pol Grandmont)
Boletus edulis (Foto: Jean-Pol Grandmont)
Rindjmint sincieus
Ringne: Fungi (tchampions)
Ecoxhmint: Basidiomycota
Classe: Homobasidiomycetes
Dizo-classe: Gasteromycetideae
Ôre: Boletales
Famile: Boletaceae
Djinre: Boletus
Espece: edulis

Li ou nôbe boloe u nôbe boloe u cepe, c' est on magnåve boloe, onk des meyeus tchampions des bwès del Walonreye.

Eto, il est foirt ricwerou pa les cnoxheus.

Discrijhaedje candjî

C' est on tchampion avou on bea arondi tchapea, 8 a 20 cm lådje.

Li coleur pout aler do clair bron a ene miete pus foncé.

Å cmince, il est sovint rcovrou d' ene blanke pelete. Ci-ciale endeva, mins lait des rmanance d' on blanc ourlet. Po cmincî, ci-ci est lisse et setch. Après, i dvént crås ey ene miete glumiant cwand i fwait crou.

Les pôres et les tubes sont blancs po cmincî. Adonpwis, i divnèt djaenes, et pu vert olive.

Il a on stocaesse pî, brun clair, blocnass å cmince et pu adon cilindrike, mins rinflé pa padzo.

Li tchå a ene blanke coleur pus brune dizo l' pelete. Elle est bén spesse et dmorer bén deure. Ele est vite molonêye, ca elle sawoure ossu ås molons et ås lumçons.

Il a ene doûce odeur di noejhete.

 
Djonnes boloes k' on lome cobén "boutchons d' tchampagne"

Vicaedje candjî

 
åbsoneu k' esplike li biyo-soce do boloe nôbe (a hintche) et do faw (a droete)

I vént å pî di bråmint d' sôres d' åbes (faws, tchinnes, sapéns), k' il est a biyo-soce avou zels. On l' trouve totes sôres di grands bwès.

Il es codåve del fén d' l' esté disca l' fén d' l' erî-såjhon.

Eployaedje candjî

C' est on foirt bon tchampion k' on pout mougnî crou ou cût.

On è pout fé des wekes.

On l' pout minme wårder souwé, sins piede si sawourance.

Bibiografeye candjî

Tites des lives e francès k' i gn a, avou pus di racsegnes so ç' tchampion la:

  • Régis Courtecuisse, Bernard Duhem: Guide des champignons de France et d'Europe (Delachaux & Niestlé, 1994-2000).
  • Marcel Bon: Champignons de France et d'Europe occidentale (Flammarion, 2004)
  • Dr Ewaldt Gerhardt: Guide Vigot des champignons (Vigot, 1999) - ISBN 2-7114-1413-2
  • Roger Phillips: Les champignons (Solar, 1981) - ISBN 2-263-00640-0
  • Thomas Laessoe, Anna Del Conte: L'Encyclopédie des champignons (Bordas, 1996) - ISBN 2-04-027177-5
  • Peter Jordan, Steven Wheeler: Larousse saveurs - Les champignons (Larousse, 1996) - ISBN 2-03-516003-0
  • G. Becker, Dr L. Giacomoni, J Nicot, S. Pautot, G. Redeuihl, G. Branchu, D. Hartog, A. Herubel, H. Marxmuller, U. Millot et C. Schaeffner: Le guide des champignons (Reader's Digest, 1982) - ISBN 2-7098-0031-4
  • Henri Romagnesi: Petit atlas des champignons (Bordas, 1970) - ISBN 2-04-007940-8
 
Commons
I gn a so les cmons Wikipedia des imådjes ou fitchîs son a vey avou les boloes nôbes .