José Fontaine (e walon Djozé Fontinne) a skepyî a Djumape li 28 di djun 1946.

José Fontaine
José Fontaine e 2013.

Djozé Fontinne ni doet nén esse maxhî avou Guy Fontaine, Serge Fontaine ni Guido Fonteyn, des ôtès djins k’ ont eto a vey avou l’ walon eyet l’ Walonreye.

Si voye et ses idêyes candjî

C' est on gaztî et on fiolozofe ki boute po ene Walonreye todi pus dislaxheye del Beldjike. E 1983, il a stî onk des prumîs a siner l' Manifesse pol culteure walone. Adonpwis, il a enondé, avou ds ôtes come Jean Louvet, l' Afitcha pol tuzance walone eyet li Mouvmint kel vout fé tcheryî.

Il a amonté li rvuwe "Toudi" eyet li forom éndjolike do minme no. Les deus medias eploynut cobén do walon, u endè djåzer po disfinde d' è nn' è fé trop sovént uzâdje (a mwins k' ça n' fuchisse sicrît è fonétike).

Il eploye voltî l’ walon dins ses emiles avou les waloneus.

Il overe foirt sol Wikipedia e francès so les sudjets ki boutnut al tcherete del tuzance walone.

Ses rapoirts avou l’ walon candjî

I scrijha dins on d' ses messaedjes : « I fåt disfinde li walon mins comint, dji n' è sai rén å djusse. Dji so seur d' ene sacwè: on nel pout nén leyî mori ».[1]

E 1989, il esplaide dins «Toudi» li prumî tecse da Jean Germain la k' il atåvele di rfonde li walon.[2]

E 2001, il eplaide des tecses di belès-letes dins l' minme: da Lucyin Mahin[3] ouco da Willy Bal[4] u da Emile Gilliard[5]

E 2003, il edite li ratournaedje e walon do deujhinme Afitcha pol Walonreye esse mwaisse di s' tuzance, di ses scoles et di ses sincieusès rcwerances, fwait pa Lucyin Mahin.[6]

Il î edite eto des scrîts e francès da Lorint Hendschel po djåzer do lingaedje walon, u dismonter les idêyes da Francis Perrin ki rnakèt sol tuzance walone.

Pus tård, sol djåspinreye «Toudi», sacwants pårticipants berdelnut e walon.

Hårdêyes difoûtrinnes candjî

Sourdants candjî

  1. Emile a Lucyin Mahin, li 5 di may 2007.
  2. (fr) Quel avenir pour nos dialectes ? L'exemple du «Rumantsch Grischun», divins Toudi l° 35, 2001, pp. .
  3. Måle wêre (fichu temps), Toudi tôme 4 l° 3, 2001, pp. 16-18.
  4. Nos n'pièdrons nin, Toudi tôme 6 l° 52-53, pp. 24-25.
  5. Erdiè (arc-en-ciel), Toudi tôme 6 l° 54/55, p. 9.
  6. Toudi tôme 6, l° 59-60, pp. 16-18.