Imprimateure
L' imprimateure (e latén Imprimatur), c' est l' åjhmince d' èn eveke k' on-z est oblidjî d' aveur po-z eplaidî on scrijhaedje rilidjeus ricnoxhou pa l' eglijhe catolike.
Divnt l' imprimateure, gn a eto ene ôte mincion, Nihil obstat..
Bråmint des imprimateures po des scrijhaedjes e walon ont stî dnêyes pa l' eveke di Lidje. Ene u deus di l' eveke di Nameur.
Po des linwincieusès racsegnes sol mot "imprimateure", alez s' vey e splitchant motî.
Sacwants lives e walon k' on yeu l' imprimateure candjî
- "Li boune novele", Evandjîles da sint Mår et da sint Luk, ratournaedje da Joseph Mignolet : imprimateures do 10 d' octôbe 1934 (Sint Mår) et 20 di djanvî 1937 (sint Luk).
- L' imitåcion d' Djezu-Cri, rimetowe e walon pa Jean Bosly : li 23 d' octôbe 1956.
- Extraits bibliques, da E.J. Piret : li 24 di måss 1960.
- L' Evandjîle sint Luk, ratournêye pa Jean-Marie Lecomte : li 2 d' octôbe 1999
- L' Evandjîle sint Matî, translataedje da Jean-Marie Lecomte : li 4 d' awousse 2000
- L' Evandjîle sint Mår, rashiowe pa Jean-Marie Lecomte : li 6 di decimbe 2001
- L' Evandjîle sint Djhan, translatêye pa Jean-Marie Lecomte : li 19 di djulete 2002.
- L' Ouve des Apoisses, rashiaedje da Jean-Marie Lecomte : li 22 d' decimbe 2003.