Gråfayi

ancyin ptit ban del Walonreye, rebané avou Bive
(Redjiblé di Grå-Fayi)
Pol discramiaedje des årtikes avou l' mot « Gros Fayi », loukîz cial.

Grå-Fayi (la-minme, Grau-Fayi, /groːfaji/[1], mins sovint rfrancijhî a Gros-Fayi aschoûtez lu, c' est èn ancyin ptit ban del Walonreye, rebané avou Bive (mins k' aveut ddja stî rebané avou Wåjhî li 26 di djulete 1964, divant les grands rebanaedjes di 1977).

Mwaissès dnêyes candjî


Etimolodjeye candjî

Li no d' Grå-Fayi èn vout nén dire "gros", come li scrijhaedje francès l' metou a nonsyince, mins "grå", ki vénreut di "graevleus", paski les hesses ont ene graevleuse schoice.

Vîs scrijhas: Graveloitfait (1226); Grauelor Fahi (1234); Graveloi-Fahi; Graufays, Groffays; Gros-Fays.[2]

Rilidjon candjî

Grå-Fayi si rataetchive dinltins a l' eglijhe di Wåjhî. I n' a divnou pårotche k' e 1586, avou Coirnîmont et Tchîplane (tchapele a Sint Dôna, li sint ki schape del tonoere).

Li patron d' l' eglijhe, c' est sint Pire, dicåçté après l' 29 di djun.

Istwere candjî

Gråfayi, c' esteut on sårt distrîxhî al limotche des conteyes di Bouyon et d' Orcîmont.

Grå-Fayi apårtina ås signeurs Yvette du Bohan (1225) pu Jacques d'Orchimont (1234).

Ciste anêye la, avou l' acoird do somrin Hugues de Rethel, li dominne passe a l' eveke di Lidje, k' esteut eto duk di Bouyon.[3]

I divna ene hôte foistreye del Dutcheye di Bouyon ki si stindeut disca Sdan.

On moumint moenné pa l' famile Gilles, signeurs d' Idje, pu pa Tchåle di Berlaymont, signeur di Biarin (1575).

Adonpwis: Jean de la Mark, signeur di Botôssåt; de Louvrex et de Lamock (1780) k' a fwait båti li molén d' Mitådje, so Wåjhî.[4]

Nos d' plaece di Grå-Fayi candjî

Li toponimeye di Gråfayi a stî rapoirtêye pa Yvon Barbazon.

Hamtea candjî

Ôtès plaeces candjî

 Loukîz a : Gråfayi (toponimeye)

Sourdants candjî

 
Commons
I gn a so les cmons Wikipedia des imådjes ou fitchîs son a vey avou Gråfayi .
  1. avou on rôlé R come totes les djins prononcént co e 20inme sieke.
  2. Gérard, Canton de Gedinne, 1932.
  3. TG4 a «Grosfays»
  4. Gérard, come cial ådzeu.