El mariaedje del feye Beulemance (teyåte)

El mariaedje del feye Beulemance[1], ki s' vraiy tite, c' est «Le Mariage de Mlle Beulemans», c' est ene pîce di teyåte sicrîte pa Fernand Wicheler eyet Frantz Fonson.

Coviete del prumire edicion, di 1910. Dessinaedje da Philippe Swyncop

C' est ene pîce di troes akes, creyeye å teyåte di l'Olimpia d' Brussele li 18 di måss 1910.

Racourti candjî

 
Dessén des djouweus d' role a Paris. Dessinaedje da Jean Lorac

Come di djusse, li sinne si passe a Brussele.

Souzane Beulemans, c' est l' båshele d' on ritche bresseu. Elle est acoirdêye a Serafin Meulemeester, li fi d' èn ôte bresseu concurint, mins c' est purade on mariaedje di cwårs.

Mins gn a des xhames e l' roye: n a-st èn ôte marieu dins l' djeu d' beyes: Albert Delpierre, on djonne Paridjot ki fwait on stadje al bressene Beulemans, et k' est roed bleu sot del crapåde.

Kî çki wangnrè l' mwin del feye (et l' eritance del bressene) ?

Rilomêye candjî

Li pîce a stî rdjouwêye a Paris nén ddja deus moes pus tård.

Li lingaedje del pîce, c' est do francès d' Brussele, avou des ratourneures di tîxhwès braibançon.

Ci côp la, par après, on a lomé ci piceure lingaedjrece la, li «francès Beulemans».

Ratournaedje e walon candjî

Li ratournaedje Auguste Carton, ki l' mwaisse tite, c' est L'mariatche delle fie Beulemance,[2] a yeu on franc succès cwand i fourit djouwé å Teyåte des Varyistés a Tchålerwè e 1912.[3][4]

Sourdants candjî

  1. Sorlon l' tite d' on ratournaedje e walon «L'mariatche delle fie Beulemance» da Auguste Carton (1912).
  2. Motî Coppe p. 64.
  3. F. Barry, 270 sicrijheus e walon do Payis Noer, p. 94, li tite î est rmetou e sistinme Feller insi: «El mariâdje dèl fîye Beulemans».
  4. Une première à Charleroi, Comœdia 17/12/1912 (1691), p. 5. Paris, F.