Po des linwincieusès racsegnes sol mot "discalotaedje", alez s' vey sol Wiccionaire

Li discalotaedje[1] u dischafiaedje[2][3], c' est l' côpaedje-evoye del pitite pea ki rascove li gland (li dbout do ) d' ene omrinne djin.

Discalotaedje medicå candjî

Li discalotaedje medicå est ricmandé pa sacwants docteurs po ene meyeuse prôpurté do dbout do vé. Il est corant dins des payis come les Estats Unis, mins waire pratiké e l' Walonreye.

I s' pratike pus voltî dins les prumîs moes d' veye do gamén.

Discalotaedje rilidjeus candjî

Djudayisse candjî

Li discalotaedje u bateme djwif[4], c' est ene des mwaissès pratike del rilidjon djwive. Il est rwaitî come li siné di l' acoird do Bon Diu avou l' peupe da Abråm.

Insidon, i s' ritrouve dins l' Vî Testamint des crustins.

Abråm discalota l’ Izåk k’ il aveut ût djoûs, come li Bon Diu lyi aveut dit.[5]

Crustinnisse candjî

Les prumîs crustins estant des djwifs, i pratikît li discalotaedje. Cwand sint På si meta a cviersî les «payins», i dmanda k' on les dihale di cisse pratike la. Après bråmint des forbataedje, il ariva a si idêye å Concile di Djeruzalem.

Mins gn ava co del rezistance dins les djonnès cminåltés crustinnes, come on l' voet bén dins l' lete ås Galates.

Dji vos di platkizak: si vos vos fjhoz circonci paski vos vos vloz tni al lwè Moyisse, adon, li Criss ni vos pôrè hourer.
Dj’ el ridi co ene feye, aiwdirotchmint: li ci ki s’ fwait discaloter, i doet eto shuve totes les ôtès rîles del lwè Moyisse.[6]

Portant, På lu-minme aveut fwait dischafyî si dicipe Timoté po l' fé pus åjheymint accepter des djwifs d' Azeye et d' Grece, k' il aveut idêye di cviersî.

Islam candjî

Li discalotaedje n' est nén ricoirdé noer so blanc dins l' Alcoran, mins c' est ene dujhance lådjmint shuvowe pa cåzu tos les moslimîs. Ele si pratike disca a l' ådje di shijh u set ans. Gn a ene grande fiesse po ciste ocåzion la.

Sourdants candjî

  1. C9
  2. DTW
  3. On eploye eto on setch calcaedje do francès «circoncizion» (dins FO4, mins nén dins FE1.
  4. E203 a «batème».
  5. Djineze 21.4. (ratournêye pa Lorint Hendschel.
  6. Lete ås Galates, 5:2-3.