Daphne mezereum L. F.: Daphné morillon, del famije des dafnoyidîs, do no d' ene ninfe veyowe voltî pa Apollon et k' a stî candjeye a lawri.

  • Tot fén bouxhon di 40 cm. a 1 m., ki vént dins les bwès et les paturaedjes di montinne. (djusk' a 2.200 m.) Terén di tchåsse u di grès.
Daphné mezereum (Joli-bois)

Comon a råle dins l' Årdene.

  • Les fleurs sont rôzes, rashonnêyes a 3-4 åd dilon del tidje, foirt timprowes (fevrî - avri)
  • Les foyes vinèt après les fleurs, rashonnêyes al copete des ramôs.
  • Frut oblong, rodje, dandjreus pols efants, come li schoice et les foyes (vénéneux).
  • Est delicat al nive. Les fourtches schetlèt (se fendent) dizo l' tchedje di nive.
  • Il est disfindou di toutchî å dafné, ca il est råle dins nos bwès.

Nos del plante candjî

  • Francès : Mézéréon, Merllion, Morillon, Bois-joli, Bois-gentil, Bois d'oreilles, Faux-garou, Lauréole femelle, Lauréole gentille.
  • Alsacyin : Kellerhals, Zeylandt, Zidelbast.
  • Almand : Seidelbast, Waldlorbeer, Kellerhals, Wolfsbast, Pfefferbaum.
  • Flamind : Peperboomtje, Peperboom, Roode-peper, Mezerijbommtje.
  • Inglès : Common-mezereon, Spurge-flax, Spurge-olive, Dwarf-laurel.
  • Itålyin : Camelea, Mezzereon, Olivella.

Uzaedjes candjî

Foyes et fruts: emetikes et purgatifs. Decoråcion des parks. Les fruts dinèt ene coleur rodje pol pinteure et el Sibereye, on l' eployive come fard po les mashales.