Cugnon (la-minme, on prononce Këgnon), c' est èn ancyin ptit ban del Walonreye rebané avou Bietris, el province do Lussimbork.

eglijhe

Po l' etimolodjeye et les vîs scrijhas, riwaitîz dins l' esplicant motî.

No di des plaeces di Cugnon. candjî

Hamteas candjî

Istwere. candjî

 
Li monumint ås moirts

C' est la k' Sint Rmåke åreut dmoré ene hapêye, cwand a-st avnou el Walonreye. Il esteut po-z î basti on moustî e Casae Congidinum, et les teres alént esse dinêyes pa Sibiet (tchåte di 645). Mins so ces etrevéns la, sint Rmåke a wangnî Ståvleu, et-z î basti la li dobe abeye di Ståvleu-Måmdey.

E 1226, li conte Louis IV di Tchini leye tote li do ban d' Cugnon (bråmint pus stindou k' asteure) a s' båshele. Izabele di Floravile.

Li viyaedje divént ene franke tere e 1269 (lwè d' Beamont).

E 1422, li viyaedje est da Evrård II del Måtche, kel valet va askepyî li "Sovrin bayaedje di Cugnon-Tchespire", metou djusse al limotche do Dutcheye do Lussimbork. Eto, di 1621 a 1650, on-z î a batou manoye.

E 17inme sieke, les teres di Cugnon-Tchespire vont esse radjondowes al signorreye d' Arbûmont po fé les "teres walones" des princes Lowenstein-Stolberg.

Istwere administrative candjî

Li viyaedje d' Åbî esteut sol ban d' Cugnon disk' e 1899 (lwè do 30 di djulete).

E 1964, Cugnon s' a recråxhî do hamtea d' Tibårotche, k' esteut so Mûno dvant.

Djeyografeye. candjî

 
li vî molén so Smwès

L' aiwe di Smwès passe pa Cugnon.

Tourisse. candjî

A vey : grote sint Rmåke.

Rilomêyès djins. candjî

  • ? Pierlot, k' a stî prumî minisse di 1939 a 1945, esteut d' Cugnon.

Diyalectolodjeye walone. candjî

L' oyon U s' î prononce ë, come a Bietris (Këgnon).

Les prononçaedje do walon d' Cugnon, ki s' rissint foirt do gåmès, ont stî studyîs spepieuzmint pa Bruneau, et riscrît en alfabet fonetike eternåcionå.

 
Commons
I gn a so les cmons Wikipedia des imådjes ou fitchîs son a vey avou Cugnon .