Cougnou
On cougnou, c' est ene påstedjreye di Noyé, fwaite avou ene fene påsse, pus longowe ki lådje, avou deus ptits botons ås dbouts. E sacwantès plaeces, li cougnou aveut l' cogne d' on boulome.
Å mitan do cougnou, on mete ene cacaye d' årzeye k' on loméve li botroûle do cougnou.
Spårdaedje et lomaedje candjî
C' est ene påstedjreye di Walonreye eyet d' Picårdeye et l' Tchampagne di France.
El Walonreye walon-cåzante, on l' lome cougnou, ki s' prononce eto: cougnoû, cougnû, cougnô, cougno, cugnô, keugnô, cougneû, cugneu, kègneu, cugnèt, cugnon, cugnan.[1]
El Picårdeye di France, on l' lome e picård «Wikt:queniole».[2]
E tchampnwès, «quénieu».[3]
-
avou grosse botroûle -
al môde di Picårdeye di France -
al môde del Tchampagne
Li botroûle do cougnou candjî
Å cmince, c' esteut on simmpe rond d' taexhon. Après, on-z a fwait des desséns dsu. Elle aveut on no a tchaeke plaece.
e payis walon candjî
- botroûle, no foirt corant a Tchålerwè (dizo disfondowe boutroûle).
- bodene.
- mastele (a Sombrefe).
- falu (e payis d' Lidje).
- bondiu.
- platea (al Lovire).
e payis picård candjî
Les uzances a vey avou l' cougnou candjî
E payis d' Djodogne, c' est li Ptit Noyé ki passe des cougnous ås efants li nute di Noyé.
