Po des linwincieusès racsegnes sol mot "condoleyances", alez s' vey sol Wiccionaire

On prezinte ses condoleyances a ene sakî ki vént d’ piede on parint, on soçon.

Lete di condoleyances e walon

Ça vout dire k' on s' fwait må por leye. K' on prind pårt a s' doû.

Li prezintaedje des condoleyances si fwait rålmint e walon, minme inte waloneus. Dandjreus paski l' walon a todi l' air di esse on lingaedje po raconter des couyonådes, et nén po les poenneusès afwaires.

Sôre di prezintaedjes di condoleyances candjî

El Walonreye candjî

Po les familes crustinnes, on vénrè dire si tchaplet al moirtuwaire. Udonbén on vénrè al messe d' etermint. On-z î leyrè sovint si cwåte di vizite, po mostrer k' on-z a vnou.

On pout eto scrire, u responde å fwaire-pårt del famile. On pout eto emiler.

Gn a eto des waibes la k' on pout prezinter ses condoleyances. C' est kécfeye li croke-moirt ki rcopeyrè pol famile les condoleyances k' ont stî rascodowes ladrî.

Les condoleyances si prezintèt dins li samwinne ki shût l' moraedje.

Å Marok candjî

Å Marok, li termene des condoleyances pout esse assez longue, disk' a èn an u deus si l' famile dimeure å lon u foû payis. Les cis ki vnèt prezinter leus condoleyances dimornut on ptit tins amon l' djin k' est d' doû. Sacwantès eures u minme sacwants djoûs, s' i vnèt did fén lon. Et l' famile k' est d' doû doet rçure li parintêye comifåt. Li minimom, c' est d' ofri do . Å pus sovint, po les près-parints ki vnèt did lon, on frè a marinde u a soper. Dj' ô bén, on bon dinner.

Dins les viyaedjes, c' est les ôtès familes k' apoirtèt a magnî li londmwin del moirt, u padecô, troes djoûs å lon. Ey a totes les eures, a l' assulon des djins ki vnèt prezinter leus condoleyances.

Modeles di condoleyances e walon candjî

Il est ddja motoit ene miete tård, mins dji v' vou sohaitî bråmint do coraedje po passer ces laids moumints cial.
Dji pinse a vos, Lucyin; dju n' sai nin scrire grand tchoi d'adroet mins dji vs sohaite do coraedje divins cisse måle passe; ca, on-z-a bele di dire mins "ene mame, on nd a k' ene", don.
Dj' avans stî foirt disbåtchîs d' aprinde po nosse mononke; li Bon Diu si åme !

Hårdêye difoûtrinne candjî