Colera

Pol discramiaedje des årtikes avou l' mot « Colera », loukîz cial.

Li colera (eto: colora, colora-môrbusse), c' est ene foite schite minêyrece ås djins provokêye pa ene bactereye foirt rimouwante lomêye Vibrio cholerae.

Minêyolodjeye

Si prindeut foirt åjheymint dinltins, cwand l' idjinne esteut foirt brouxhire.

Å djoû d' ouy, on nel rescontere pus ki dins les grandès rascråwes, come les gueres, les grossès aiwes, les hosmints d' tere, cwand des grandès tropes di djins si rtrouvnut amonçlé dins des camps sins waire d' åjhminces santeyreces.

Médiaedje

Mågré ki l' colera, nén sognî towe raddimint les malådes, li médiaedje est assez simpe: i fåt renaiwer l' coir avou des renaiwant sés tot l' tins k' li schite deure.

Rilomêyès minêyes

Gn a yeu ene foite piyintche di colera el Walonreye e 19inme sieke. On î a priyî sint Rok, lyi radjoutant si povwer la å ci k' il aveut ddja (di rweri l' pesse).

Ene des dierinnès minêyes kinoxhowe, ci fourit l' cene do Yemen tins del guere civile (anêyes 2020).