Clå
On clå, c' est on ptit stocaesse droet boket d' fier, avou ene tiesse et ene ponte, k' on cougne, aprume dins l' bwès, po fé tni eshonne deus sacwès.
Imådjreçmint, li mot sieve a djåzer di sacwantès maladeyes del pea.
Motlî candjî
Po clawer on clå, on s' sieve d' on mårtea.
Po bén fé moussî on clå dins èn ovraedje di scrinî, on s' sieve d' on tchesse-clå.
Po råyî les clås, on s' sieve å pus sovint d' ene tricoijhe.
Les marixhås ki fjhént aprume des clås, c' esteut les clawtîs. Li foidje, pu les ptitès oujhenes ki n' fijhént k' ça, c' est les clawtreyes.
Sôres di clås candjî
- ponte
- clå di fier a tchvå
- marinî
- boessalî
- clå d' acî.
- picård u ponte di Paris
Tant k' å clå ås deus tiesses, c' est on forveyou clå k' on-z evoye ene sakî cweri å botike, po lyi fé poirter l' moes d' avri.
Si l' clå a 2 tiesses est on pexhon d' avri, li clå a 2 pontes egzistêye bén. So Smwès wice k' on plantéve do toubak. Ces clås la estént stitchîs betchfessîs dins ene ronde pietche di 2 metes di long. A l' ôte dibout do clå, on pindéve li plant d' toubak po l' fé souwer dins les hangårs.
Istwere des clawtîs candjî
Li clawtireye s' a bråmint diswalpé e 18inme sieke, et djoker al guere di 1914-1918.
Sacwantès plaeces avou bråmint des clawtîs:
- Payis do Bork (Pwès, Nåwinne).
- Tote li valêye del Basse-Simwès, e l' Årdene francesse: Les Rivires et avårla.