Bôhan (fr: Bohan) est èn ancyin ptit ban del Walonreye, e payis tchampnwès, rebané avou Vresse.

C' est eto on hamtea di Barvea

  • Dimorants: Bohinots, Bohinotes.
  • Limero del posse: 5550 (vî limero 6868)
  • Limero diyalectolodjike: D 133
  • Eplaecmint sol Daegn: 49°52' N - 4°53' E
  • Arondixhmint: Dinant
  • Sipotaedje: Bohinots, bohinotes.
  • Vîs scrîjhas: Bohan, (1190); Bohain, (1204); Bohaing,(1205); Bouhang,(1226); Beauhaing, (1323); Boheang,(1326).

Gn a cåzu l' minme no d' viyaedje dilé Derbu : Bohon (Barvea) (la ki "hon" n' est k' èn accint di "han").

Rilidjon candjî

  • Eglijhe: Datêye di 1760, dipindant di Méziéres et Reims, come tos les viyaedjes a hintche di Smwès
  • Patron: Sint Ledjî.
  • Dicåces: li ptite, å 15 d' awousse; li grande, li dimegne d' après l' 2 d' octôbe.

Lingaedje candjî

Li pårler d' Bôhan, c' est l' tchampnwès

Li fråze tipike "dèfroume nô fernête" (clôs l' finiesse) mostere li grosse diferince di cåzaedje avou l' Nonne-walon del Simwès: "clôs la vite".

Nos d' plaeces candjî

Hamteas candjî

  • li Bwès Djan
  • Herissårt
  • La Soce
  • Les Dolimarts (cinte di vacances)

Istwere candjî

Bôhan esteut l' principåle signorreye del Måjhon d' Orcîmont; ele aveut stî dnêye å cadet del Måjhon, tot e rsiervant po Orcîmont, li hôte djustice.

Hinri d' Bôhan, tcheslî do Tchestea-Rnåd mora l' 10 di djulete 1326. Dins l' eglijhe, on voet co s' pire tombale avou kékes letes ki dmorèt:

LIERS.SIRES.DE.BOHEANG.KVI.DIEX.ASSOLVE.KI.TRESPASSAT.EL.LAN.DE.GRASCE.MIL.CCC.ET XXVI.X.IORS O.MOIS.DI.JULIET. PROYES.POVR SARME.

Pus tård, Bôhan a stî dzo l' imprijhe do Signeur d' Olimart, on bandit k' a spolyî les djins d' Bôhan, djusk' a on djudjmint al fén rindou a Lussimbork.

Economeye candjî

Payis d' toubak, avou on miyon et dmey di pîs, abandné après l' deujhinme guere daegnrece.

Djusk' al guere di 1914, i gn ourit ene foite activité di clåwtîs al mwin, ki travayént a façon dins leu boutike. Leu foice motrice a stî bén lontins on tchén dins on tabeur.

A vey candjî

Viyaedje di frontire, foirt touristike, putoit izolé dins les meyandes di Smwès, avou on cazer tchampnwès pårticulî.

Divant 1940, Bôhan a portant stî rloyî å tram di Vresse-Djedene pa deus ponts et on tunel po passer l' cresse eter Mambe et Bôhan.