Rifondaedje do walon : Diferince etur modêyes

A costé do mwaisse pordjet di rfondaedje [[UCW]] / [[Li TantoeleRantoele (soce)|Rantoele]], li seulseu eployî asteure, gn a yeu eto on pordjet diswalpé pa [[Johan Viroux]], prezinté teyoricmint e [[1994]], mins ki n' a pont yeu d' shûte. E 2006, [[Chantal Denis]] sicrijha on roman, [[Kî çk’ a touwé JFK ? (roman)|Kî çk’ a touwé JFK ?]], tot eployant èn [[ehåyî walon do Mitan]], foirdjî so les minmès atuzes ki li rfondou, mins fok pol [[walon do Mitan|Payis d' Nameur]].

Dins on papî k' il aveut fwait po on raploû el Swisse, mon les [[romantche|Romantches]], e [[1988]], [[DanielJean DroixheGermain]] aveut mostré ki gn aveut yeu, disk' adon, nole saye di rfondaedje e walon. Et dire, tot tuzant tot hôt, ki c' esteut kécfeye a cåze do sistinme Feller, k' avizéve esse ene unificåcion do scrijhaedje totavå. Docô après, dins l' rivowe "Toudi", i mostréve kimint k' on pleut fé, tecnicmint, li rfondaedje.