A.L.W. : Diferince etur modêyes

Les shuveus do Haust riprindèt l' ovraedje et l' F.N.R.S. (Fond Nåcionå po les Sincieusès Rcwerances) paye des djins po ça. Li bouye des inketes est tote fwaite e 1959 (dj' ô bén, ça a fwait 25ans d' boutaedje), avou 340 viyaedjes k' ont respondou. Ça fwait, tot conté tot rabatou 700.000 responses, avou cåzu 1.500.000 mots.

== Prezintaedje des responses ==

Dins l' A.L.F., les mapes ni dnént fok ki les responses, metowes à dzeu do pont do viyaedje. Po l' A.L.W., Haust aveut ddja atåvlé on sistinme e 1927, po ene vintinne di mots et ratourneures. I fjheut on tåvlea avou les diferins sinonimes dinés po tchaeke mot. Li mape mostréve li sindêye la k' on djheut ces sinonimes la.

Li prezintaedje podbon a stî atûzlé pa [[Louis Remacle]].

Po tchaeke sinonime, on esplike si etimolodjeye.

== Mapes ALW et [[rifondaedje do walon|rfondaedje]] ==

Louis Remacle aveut stî sûti assez po sovint mete li [[pus lådje oyowe]] come on rond. Ça fwait ki po bråmint des mots (sins sinonimeye) li rfondowe est bén veyåve. C' est li prononçaedje pår walon.