Li Noû Lovén

Li Noû Lovén est-st one noûve vile rebanée dins Ocgniye-Li Noû Lovén.

Istwêre

C'est-st è 1425 qui tot a cmincî, cwand li pape Martén V a tûzé di fé one noûve universitè dins li Dutcheye do Braibant. C'est-st insi qu'a skèpyî li Catolike Universitè di Lovén. A l'cmince, tot èsteût è latén, les prûmiyès lèçons è francès vègnenut è 1687 et è neyerlandès è 1911. Adon gn'aveût à Lovén dès djonnes di Flande et di Waloneye, chake di si costé avou ses lèçons.

Mins è 1976, les flaminds studiants dimandenut qui Lovén fuche tote flaminde, sins pus pont di francès-dvizants. C'est çoulà k'on lome è Waloneye li Walen buyten ( les Walons à l'uxhe ). Adon, on cope l'universitè è deus avou li KUL à Lovén et l'UCL ôte på. On a bén tûzé di l'mète à Nameûr, awou gn'aveût ddja one pitite universitè. Mins come c'est-st one catolike universitè riloyîye å dioceze di Maline-Brussèle, èle diveût dimerer è Braibant. Adon, on a fé one noûve vile å mitan des pachis, dlé Ocgniye (veye). C'est-st insi k'on a batî Noû Lovén.

Les prûmiyès lèçons ont cminci è 1972. Eyet totes les facultés estén' à Noû Lovén è 1979.

Li vile

Noû Lovén, c'n'est nén jusse one universitè. C'est-st one vraiye vile avou des botikes, des cinemas, des cabarets, des restårants,... Asteûre, gn'a pus di dmeurants ki di studiants. Li cinte est batî su one dale di béton avou des plaeces po les vweteûres padzos. Au dzeus, on n'pout daler k'à pîds. Cwate culots s'ètindenut so les boirds del valéye. On les lomes d'après les vîs hamteas : Bièrau, Hocaye, Låzele et Bruwêre.