|
#REDIRECT [[Li Grande Louwete]]
'''Li Grande Luwate''', c'est on ancyin ptit ban d' Walonrèye, rebané avou Djedene. Luwate Sint Denis.
* Nimèro del posse : 5575
* Eplaeçmint sol Daegn : 49° 57' 55 N - 4° 57' 55 E.
* Dimanants :347 (1830), 516 (1910), 478 (1930)
* Eglijhe du 1878, style ogival.Patron: Sint Denis. Dicåce : lu dimègne ki sût lu 9 d'octôbe.
* Ecarts : Mwinterne, ène anclave dulé Hérisson, al frontîre francèse, à 8-10 km do viyaedje.
Vîs schrijhas : parèy al Putite Luwate : Luetras, Lietras, Littras, Litteras : 946 ; Loitres, 1139 ; Loctre, 1143 ; Letires, XII° s. ; Luetres, 1235 ; Loistras, 1290 ; Loitre, 1358 ; Loite, 1379 ; Loyte, 1420 ; Loiette, XVI°s. ; Loette, 1472 ; Louette, 1574).
=== Etimolodjîe ===
Roland cåze d'in mot celte, "lautra" k' årot la minme orijine ku "lavare" è latin et "louiev" an grec. An breton, Louët vut dire
grîje, grijounant (Dauzat)
=== Histwere ===
Li paroche dul Grande Luwate rumonte bin lon, pisk' an 946, l' ampereur Othon baye, dins l' Pagus d'Ardène, à l' Abbaye du Wålsårt, in manse sègnoral, avou 30 manses, ène èglijhe à Sint Denis, deus brèssènes et deus fors à pwin. La Grande Luwate è fwêt partie du doyèné du Graide et participot ås crwas banales du Sint-Hubert. Lwate è sayî d' aler putot à Hastîre, mês è sté contrinte du rintrer dins l' djèron du Graide, avu Belfontin.ne et Nafrêtère, ki fjint partie dul paroche.
La Grande Luwate è sté lontins an procès avu Nafrêtère pou des afwêres du molin banal, avu les mwanes du Mozon, pou la tchèsse, avu des ôtes pou la potance, si bin ku mes mwanes ont rvindu leu bien ou Sègneur du Belfontin.ne, Charles de Vaux (26 avri 1765)
An 1635, La Grande Luwate, coume tout l' payi è soufru brâmint du passadje des troupes francèzes. Lu viyaedje è dmèré dabôrd å dzèrt dèrant mwintes anéyes.
Cand lu, diocèse du Namur è sté rmètu su pîd, an 1803, La Grande Luwate è duschindu å rang d' vicairie dul Putite Luwate, pou rduvnu paroche, seulmint en 1837.
|
