TeleSUR : Diferince etur modêyes

2 100 octets ajoutés ,  il y a 15 ans
m
ecråxhî
m
 
m (ecråxhî)
[[Categoreye:Televuzion]]
{{djermon}}
[[Categoreye:Amerike]]
'''TeleSUR''' ('''Televisión del Sur''', ''televuzion do sud'') c' est ene tchinne di [[televuzion]] publike [[Amerike latene|latino-amerikinne]], castiyan-cåzante, ki evoye 24 eures so 24 pa tévéspoutnik a pårti d' [[Caracas]]. Ele eploye li spot ''Nuestro Norte es el Sur'' (nosse Nôr c' est å Sud).
 
Li tchinne a cmincî a-z evoyî li [[24 di djulete]] [[2005]].
 
L' idêye d' ene tchinne di televuzion po l' etegråcion fourit-st enondêye på prezidint do [[Venezwela]], [[Hugo Chávez]], avou l' aspoya des govienmints di l' [[Årdjintene]], do [[Braezi]], di [[Cuba]] eyet d' l' [[Ourougway]], des ôtes payis les pôrént radjonde.
L' ecwårlaedje est fwait aprume på Venezwela (po 51%), les ôtes payis aportant l' restant (Årdjintene po 20%, Cuba po 19% eyet Ourougway po 10%) po ene dijhinne di miyons d' uros li prumire anêye.
 
Li såme c' est d' esse ene tchinne d' informåcions eyet d' documintåcion, avou ene vuzion prôpe latino-amerikinne (eneviè les grandès tchinnes d' informåcions e castiyan des [[Estats-Unis]] eyet d' [[Urope]]), eyet eto d' ovrer po l' etegråcion latino-amerikinne eyet l' diswalpaedje des ouves di odio-vizuweles redjonåles.
Çoula n' plait nén d' trop å govienmint des Estats-Unis, la k' Telesur dene ene vuzion des evenmints foirt diferinne del sinne eyet rapoirtant so des evenmints ki d' avance ni l' estént nén.
 
Li spårdaedje si fwait pa spoutnik, so tot l' continint amerikin, eyet l' Urope coûtchantrece eyet l' coûtchant del Bijhe Afrike; ey eto pa sacwants operateus d' cåbe et co sol [[daegntoele]].
Mins les emissions (copurade les noveles) sont revoyeyes eto pa des tchinnes di televuzion coinrece dins bråmint des payis amerikins.
 
Telesur a des buros et des corespodints permanints dins sacwantès grandès veyes amerikinnes, [[Caracas]] (wice k' i gn a les studios) e [[Venezwela]], [[Bogota]] e [[Colombeye]], [[Brasilia]] e [[Braezi]], [[Buenos Aires]] en [[Årdjintene]], [[La Paz]] e [[Boliveye]], [[Li Havane]] e [[Cuba]], [[Mexico-veye]] e [[Mecsike]],
[[Montevideo]] en [[Ourougway]], eyet [[Washington]] ezès [[Estats-Unis]].
Li prezidint del tchinne est Andrés Izarra, ki dvant çoula esteut minisse del comunicåcion eyet informåcion do Venezwela; li tchinne eploye eto bråmint des cotuzeus, des scrijheus et minme des pris Nobel.
E moes d' fevrî 2006 Telesur a siné en acoird avou l' tchinne privêye en arabe [[al Djazira]], pol discandje di contnous eyet d' informåcions.
 
==Difoûtrinnès hårdêyes==
*[http://www.telesurtv.net/ li waibe da teleSUR] (wice k' on pout vey les emissions)
*[http://www.telesurtv.net/envivo.php po vey les emissions sol Daegntoele]
 
[[de:TeleSUR]]
27 644

modifications