Guere del vatche : Diferince etur modêyes

7 octets ajoutés ,  il y a 16 ans
m
aucun résumé de modification
(rassonraedje do stîle)
m
Li '''guere del vatche''', c' est come ça k' on-z a lomé ene [[guere]] des [[Walonreye|Walons]] inte zels, k' a ravaedjî l' [[Condroz]] inte [[1275]] eyet [[1278]].
Les [[Principåté d' Lidje|Lidjwès]], [[Conteye di Nameur|Namurwès]], [[Dutcheye do Braibant|Braibantîs]] et [[Dutcheye do Lussimbork|Lussimbordjwès]] î estént egadjîs, ki sotnént soeye-t i l' Conte di Nameur, soeye-t l' Prince Eveke di Lidje, leus deus e margaye a cåze d' ene vatche hapêye a [[Cînè]] (adon payis d' Lidje) et rtrovêye sol fôre d' [[Andene]] (adon Conteye di Nameur).
 
Al fôre d' Andene, e 1275, [[Gui d' Dampire]], conte di Nameur eyet d' Flande, meta so pî on tournoe.
 
On lomé Engoran, payizan d' [[Djalet]], î amoenna li fåmeuse vatche, hapêye a on lomé Rigåd a Cînè.
 
Ci-cial ricnoxha s' biesse, et aler racuzer les hapeus å [[bayî]] do Condroz. Mins come Andene esteut foû di s' triyaedje, ci-cial propôza a Engoran di rmete li vatche la wice k' el aveut hapé et d' end esse cwite; sins cwè i sereut apicî cwand i rmousreut e Condroz (çou k' i dveut fé po raler e s' måjhone).
 
Engoran fjha come dit; mins a poenne k' i meta ses pîs e Condroz, les omes do bayî ki l' aconcoistént et k' estént a ç' moumint la dins leus waibes, l' apicît eyet l' pinde a èn åbe.
Li signeur di [[Gône]] (Djalet esteut sol signeurreye di Gône) s' endè måvla, copurade paski Djhan di Gône voleut divni bayi do Condroz al plaece di [[Djihan di Haloe|Djhan di Haloe]]. Il adjinçna ene espedicion, avou les signeurs di [[Cele-dilé-Dinant|Cele]] eyet [[Spontin]], et distrure li tchestea d' [[Haloe]].
 
Totossu rade, Djihan di Haloe si rvindja, ey aler bouter l' feu so les teres di Gône.
Djihan d' Gône dimanda l' aidance do conte di Nameur, Gui d' Dampire. Come ci-cial aveut spôzé Izabele do Lussimbork, les Lussimbordjwès ont moussî, zels eto, dins l' apougnåde.
 
Namurwès et Lussimbordjwès fjhît l' sidje di Cînè. Les disfindeus del veye fourît tertos broûlés evike dins l' eglijhe. Termetant, li prince eveke di Lidje, Djihan d' Inguî, evoya les [[Dinant|Dinantîs]] ataker Spontin.
 
Li guere finixha e 1278, après deus ans d' disduts.
97 477

modifications